खोज

बुटवल, २५ जेठ। विभिन्न रक्त समुहको रगत अभाव भैरहेको बेला फुलबारी गाईज बुटवलले शुक्रबार वृहत रक्तदान कार्यक्रम गरेको छ । युवा एकता समाजको समृध्दिता नारासहित रुपन्देहीमा स्थापना भएको फुलबारी गाईज बुटवलले सामाजिक उत्तरदायित्व अन्तरगत रक्तदान कार्यक्रम आयोजना गरेको हो ।

कार्यक्रमको एक समारोहका बिच बुटवल उपमहानगरपालिकाका प्रबक्ता तथा क्लबका पूर्व अध्यक्ष समेत रहेको युवा शिव रानाले रक्तदातालाई ब्लड ब्याग हस्तान्तरण गर्दै उद्घाटन गरे । समाज परिवर्तन र युवाहरुमा उत्प्रेरणा जगाउन सामाजिक संघसंस्थाहरुको महत्वबारे प्रकाश पार्दै क्लबमा लामो नेतृत्वको अनुभवबाट खारिएर अहिलेको अवस्थामा आएको उनले बताए । ‘क्लबमा बसेर काम गर्दा समाज बुझन सिकाउछ ।’—उनले भने । यही अनुभवबाट पाठ सिकेर जनप्रतिनिधिका रुपमा काम गर्न सफल भएको उनले बताए ।

कार्यक्रममा क्लबका अध्यक्ष तेजु रानाले नया नेतृत्वमा आएसंगै सबैको सल्लाह, सहकार्यमा युवाहरुलाई एकतावद्घ गर्दै क्लबको गतिविधिलाई अगाडी बढाएको बताए । यस क्षेत्रमा खेलकुद, सामाजिक उत्तरदायित्व र सचेतनाका कार्यक्रममा क्लबको पहिचानलाई अझ उचो हुने गरि निरन्तर कामको योजना अघि बढाएको उनले बताए ।

कार्यक्रममा क्लबका संरक्षक यम प्रसाद गलामी, वरिष्ठ सल्लाहकार हसन्त लामा, क्लबका सचिव सरु थापाले समाज रुपान्तरणमा युवाको भुमिकालाई मध्येनजर गरि सरकारबाट सहयोग जरुरी रहेको बताए ।

लिक ईन्टरनेश्नल प्लेसमेन्ट सर्भिसेज प्रालिको आर्थिक सहयोग, नेपाल रेडक्रस सोसाईटी रक्त संचार केन्द्र बुटवलको प्राविधिक सहयोगमा भएको रक्तदान कार्यक्रममा १ सय ३ जनाले रक्तदान गरेको संयोजक थम्मन पुनले बताए ।