खोज

बुटवल, १७ जेठ । बुटवलमा रहेको निष्पक्ष बचत तथा ऋण सहकारी संस्था लिमिटेडले आफनो ११ औ स्थापना दिवसमा सामाजिक उत्तरदायित्वका कार्यक्रम गरि मनाएको छ । कार्यालय परिसरमा एक समारोहका बिच संस्थाका पुर्वअध्यक्ष मानकाजी श्रेष्ठले विहिबार रक्तदान कार्यक्रमको रक्तदातालाई ब्लड बैक हस्तान्तरण गरि शुभारम्भ गरे ।

कार्यक्रममा सहकारी अध्यक्ष विष्णु प्रसाद श्रेष्ठले शेयर सदस्यमा अभिमुखिकरण, सचेतनाका साथै सामाजिक उत्तरदायित्व अन्तरगत विभिन्न कार्यक्रम गरिदैलआएको बताए । वार्षिक कार्ययोजना अनुसार रक्तदान कार्यक्रम गरि योगदान गरिएको उनले बताए ।

कार्यक्रममा सहकारीका ब्यवस्थापक दल बहादुर श्रेष्ठले सहकारी सिद्धान्तमा आधारित भएर विभिन्न मासिक बचत, धितोमा ऋण लगानी गर्दै आएको बताए । व्यापार, ब्यवसाय जस्ता उत्पादनसिल क्षेत्रमा लगानी गर्दै आएको छ । सहकारी सदस्यलाई ब्यवसायिक सिपमुलक उद्यमशिलता तालिम, सहकारी सम्बन्धि अभिमुखिकरण कार्यक्रम गर्दै आएको उनले बताए । शेयर सदस्यहरु चुरापोते, हस्तकलाका उत्पादन शुरु गरेको उनले बताए । हाल सहकारीमा ६०८ जना शेयर सदस्य रहेका छन ।

कार्यक्रममा सचिव अर्जुन कुमार श्रेष्ठले समुदायमा सीप सिकाउदै स्वरोजगार बनाउन सहकारीको योगदानबारे प्रकाश पारे ।
नेपाल रेडक्रस सोसाइटी, रक्त संचार सेवा केन्द्र बुटवलको प्राविधिक सहयोगमा भएको रक्तदान कार्यक्रममा ३० युनिट रगत संकलन भएको संयोजक चमेली श्रेष्ठले बताईन ।

भिडियो सामग्री