खोज

बुटवल, ११ जेठ। नयां र प्रविधिमैत्री डिजिटल मार्केटिङबाट मात्र आजको विजनेश प्रमोशन गर्न सकिने एक कार्यक्रममा बोल्ने बक्ताहरुले बताएका छन । युएनभि , प्लाजा सेल् र ग्लोवल क्वालिटी काउन्सिलको प्रायोजनमा कम्प्युटर एशोसियन नेपाल महासंघ रुपन्देहीको आयोजनामा बुटवलमा शनिबार एक दिने डिजिटल मार्केटिङ्गमार्फत विजेशन प्रमोशन दोस्रो सेसनमा बोल्ने बक्ताहरुले बजारीकरणको प्रक्रिया फेरिएको बताए ।

एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले कार्यक्रमको उद्घाटन गर्दै नगरबासी र नगर डिजिटल प्रविधिमैत्री बनाउने गरि योजना बनाएको बताए ।

कार्यक्रममा क्यान महासंघका केन्द्रिय निवर्तमान अध्यक्ष नवराज कुँवरले यो समय उद्यमशीलताको भएको भन्दै अर्को ५ वर्षमा लिइने कम्पनी, उद्दोग, ब्यावसायको डिजिटल बजारीकरणको रणनैतिक योजना बारेमा सोच्नुपर्ने बताए । उनले इन्टरनेटको विकास संगै डिजिटल मार्केटिंङ्गको विकासलाई आत्मसात गर्न नसक्ने हो भने अप्रचलित र अलोकप्रिय हुने बताए । वर्तमान संसारमा तथ्याङ्क नयाँ सुन मानिने भन्दै जति बढि तथ्याक संकलन गर्न सक्यो त्यति नै धेरै धनी मानिने उनले बताए । संसारका सर्वाधिक धनी मानिसहरूको सूचीमा सबैभन्दा अग्रपङ्क्तिमा प्रविधि जगतकै हस्तीहरूको नाम आउने उनले बताए ।

कार्यक्रममा क्यानका जिल्ला अध्यक्ष माधव अर्यालले व्यवसायीहरुलाई समयसापेक्ष नया प्रविधिबारे ज्ञान दिने गरि कार्यक्रमलाई वार्षिक कार्ययोजना अनुरुप आयोजना गरिएको बताए ।

कार्यक्रममा क्यान महासंघका केन्द्रिय उपाध्यक्ष तथा त्रिवीका विभागीय प्रमुख रोमाकान्त पाण्डेले सहभागीहरुलाई डिजिटल मार्केटिङ्गमार्फत विजेशन प्रमोशनका बारेमा अभिमुखिकरण दिएका थिए ।अभिमुखिकरण कार्यक्रममा रुपन्देहीका करिब एक सय बढी सूचना प्रविधी ब्यवसायीहरु को सहभागिता रहेको थियो ।

कार्यक्रममा युएनभिका नेपाल प्रतिनिधि सरदक अधिकारी कुनै समयमा ढिलो र निरन्तरता, छिटो र भरपर्दो हुदा सफलता हासिल हुनेमा आजको आवश्यकता परिवर्तन भएको भन्दै अवस्था र परिस्थिति अनुसार सहकार्य अनुसार टिममा रहेर काम गर्न सक्नुपर्ने सुझाव दिए ।
कार्यक्रममा ग्लोबल क्वालिटि काउन्सिलका क्रन्ट्री म्यानेजर धुवराज शर्मा, नेपाल पत्रकार महासंघ रुपन्देहीका अध्यक्ष रामराज पोखरेलले प्रविधि सबै क्षेत्रलाई आवश्यक हुने बताए । कार्यक्रममा क्यान महासंघका उपाध्यक्ष जिवन अधिकारी, सचिव सुरेसचन्द्र भट्टराईले डिजिटल मार्केटिङ्गबारे बोलेका थिए ।