खोज

बुटवल, ६ जेठ । बुटवलमा जारी उजिरसिह वडा कप २०८१ को उपाधिका लागि डिफेन्डिङ च्याम्पियन वडा नं. ३ र वडा नं. ११ बिच खेल हुने भएको छ । बुटवल उपमहानगरपालिकाको आर्थिक सहयोगमा बुटवल क्रिकेट विकास समितिको आयोजनामा आईतबार भएको पहिलो सेमीफाईनलमा वडा नं.३ ले वडा नं. १० र वडा नं. ११ ले वडा नं. १ लाई पाखा लगाउदै उपाधि दाबेदारी पेश गरेको हो । फाईनल खेल मंगलबार हुने समितिका अध्यक्ष रोमित बज्राचार्यले बताए ।

नहरपुर माबिस्थित मैदानमा भएको खेलमा टस जितेर वडा नं. ३ ले निर्धारित २० ओभरमा १४४ रनको योगफल तयार गरेको थियो । उसका लागि सुरज सारुले ४१ बलमा शानदार ५५ रनको अर्धसतकिय पारी खेले । रबिन सुवेदीले १० बलमा २४ रनको योगदान दिए । वडा नं. १० का गजेद्र गुरुङ र तौसिफ आलमले समान २—२ बिकेट लिए । मध्यम लक्ष्य पछ्याएको वडा नं. १० भने १५.६ ओभरमा केवल ७८ रनमा समेटियो । उसका लागि अभिषेक ठाकुरले २८ बलमा ३२ तथा विबेक शर्माले १८ बलमा १४ रनको योगदान दिए । कम स्कोरमा रोक्न वडा नं. ३ का सन्देश भण्डारीले ५ तथा सुरज सारुले ३ बिकेट लिए । खेलमा वडा नं ३ का सुरज सारु प्लयेर अफ दी म्याचबाट पुरस्कृत भए ।

यसैगरि दोस्रो खेलमा टस जितेर वडा नं. १ ले निर्धारित १९.३ ओभरमा सबै बिकेट गुमाएर ११४ रनको लक्ष्य खडा गरेको थियो । उसका लागि राहुल शर्माले ४२ बलमा ४३ तथा आदेश बरुणले २६ बलमा ३८ रन बनाए । वडा नं. ११ का प्रकाश गिरी ३ तथा जगत क्षेत्रीले २ बिकेट लिए । मध्यम स्कोरलाई वडा नं. ११ ले ७७ ओभरमा केवल ३ बिकेटको नोक्सानीमा भेटायो । वडा नं. ११ का दिप्सनले २३ बलमा ३९, प्रकाश गिरीले ७ बलमा १८ तथा सुभमले ६ बलमा २५ रन बनाए । वडा नं. १ का आजाद अहमदले २ तथा अजय चौधरीले १ बिकेट लिए । वडा नं. ११ का प्रकाश गिरी प्लेयर अफ दी म्याचबाट पुरस्कृत भए ।