© २०२३
७ बैशाख २०८२, आईतवार
७ बैशाख २०८२, आईतवार
काठमाडौं,२ जेठ । अन्तत: क्रिकेटर सन्दिप लामिछाने निर्दोण सावित भएका छन् । लामिछानेलाई उच्च अदालत पाटनले बलात्कार मुद्दामा सफाइ दिएको हो । जिल्ला अदालत काठमाडौंले गरेको फैसला उल्टाउँदै उनलाई निर्दोष ठहर गरेको हो ।
गौशाला २६ परिवर्तित नामले हालेको मुद्दामा जिल्ला अदालतले सन्दीपलाई दोषी ठहर गर्दै ८ वर्षको जेल सजाय सुनाएको थियो । उक्त फैसला त्रुटिपूर्ण र गलत भएको भन्दै उल्टाउन माग गर्दै सन्दीपले उच्चमा पुनरावेदन गरेका थिए । हिजो र आज दिनभरि दुवै पक्षको बहस सुनेपश्चात उच्च अदालतका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले सन्दीपलाई निर्दोष ठहर गरेका हुन् ।
उच्च अदालतको फैसलापछि सन्दीप फेरि क्रिकेटमा फर्किन योग्य भएका छन् । जिल्ला अदालतले दोषी ठहर्याएपछि नेपाल क्रिकेट संघले उनलाई निलम्बनमा राखेको थियो । उच्चको फैसलापछि क्यानले निलम्बन तत्काल फुकुवा गरेर टी २० विश्वकपमा खेलाउने बाटो खुलेको छ । सन्दिप निर्दोष ठहर भएपछि क्रिकेटप्रेमी र आम सर्वसाधारणमा खुशियाली छाएको छ । सन्दिपका प्रशंसकहरुले अदालतको निर्णयको स्वागत गर्दै बाजागाजासहित सन्दिपको पक्षमा नाराबाजी गरेका छन् ।
© २०२३
सर्वाधिकार सुरक्षित
Design & Developed By:
