खोज

बुटवल, २९ वैशाख ।

गुल्मीको इस्मा दोहली स्थायी घरभई हाल विभिन्न पेशा तथा व्यवसाय गरी रुपन्देहीमा बसोबास गर्ने व्यक्तिहरूको संस्था इस्मा दोहली सम्पर्क समाज रुपन्देहीको प्रथम अधिवेशन बुटवलमा सम्पन्न भएको छ ।

इस्मा दोहलीबासीहरु भौगोलिक कठिनाइका कारण एक अर्काबिच परिचित हुन नसकिरहेको अवस्थामा रुपन्देहीमा बस्नेहरुबिच परिचय, एक अर्कामा सहयोग, एकता, सहकार्य गर्ने उद्देश्यले यो साधारण सभा तथा अधिवेशन गरिएको हो ।

कार्यक्रमको उदघाटन इस्मा गाउँपालिका वाड नं. ४ का वडा अध्यक्ष राजु बस्नेतले गरेका थिए । त्यस अवसरमा उनले दोहलीमा जन्मी हुर्की रुपन्देहीलाई कर्मथलो बनाई काम गरिरहेका नागरिकले जन्मथलो नबिर्सी संस्थागत तथा व्यक्तिगत रूपमा २०७७ को बाढी पहिरो, कोरोना काल र हाल डढेलोले क्षत बिक्षत बनाएको अवस्थामा आर्थिक तथा भौतिक रूपमा सक्दो सहयोग पुर्याएको र आगामी दिनमा पनि हातेमालो गर्ने बताए ।

इस्माली सम्पर्क समाज रुपन्देहीका अध्यक्ष कृष्णबहादुर जिसीले इस्मालीहरु गैरआवासीय नागरिक जस्तै भएपनि हरेक कठिनाईमा संस्थाले ऐतिहासिक कार्य गर्दै आएको बताए ।

इस्माका ६ वटै वडाहरुको सम्पर्क समाज गठन भएको र यिनीहरूको छाता संगठन इस्माली सम्पर्क समाज रुपन्देही भएकोले यसको प्रत्येक क्रियाकलापको निगरानी राख्ने बताए । कार्यक्रमलाई सम्बोधन गर्दै जिसीले आगामी दिनमा इस्माली हरुलाई पर्ने हरेक समस्यामा यो संस्था अग्रस्थानमा रहने बताए ।

दोस्रो साधारण सभा तथा प्रथम अधिवेशनमा बार्षिक प्रतिवेदन पेस गर्दै समाजका अध्यक्ष पुनाराम पोख्रेलले संस्थाको लक्ष्य उद्देश्य, यसको प्रगति र आगामी कार्यदिशाको बारेमा प्रकाश पारेका थिए । संस्थाको आर्थिक अवस्था, भैपरी आउने समस्या यसको आर्थिक बचत तथा खर्चको विवरण विष्णु प्रसाद अधिकारीले पेश गरे ।

कार्यक्रममा समाजलाई विशिष्ट सहयोग गर्ने र जेष्ठ सदस्यहरू बाबुराम पोख्रेल, नारायण प्रसाद अर्याल, लक्ष्मी खड्का र खालु प्रसाद पोख्रेल लाई सम्मान गरिएको थियो ।

कार्यक्रममा समितिका अध्यक्ष पुनाराम पोखरेल, उपाध्यक्ष तुलसी बस्नेतलगायतले पनि मन्तव्य व्यक्त गरेका थिए । अधिवेशनले १३ सदस्सीय नयाँ कार्य समिति चयन गरेको छ जसको अध्यक्षमा पुनाराम पोख्रेल, उपाध्यक्ष नेत्र प्रसाद अधिकारी र तुलसी राम बस्नेत, सचिव वसन्त हितान, सह सचिव तेज बहादुर घर्ती, कोषाध्यक्ष मोहन भण्डारी, सह कोषाध्यक्ष नित्य बहादुर घर्ती र सदस्यहरुमा विमला खड्का, प्रकाश बस्नेत, हरिलाल गुरुङ लगायत चयन भएका छन् ।