खोज

बुटवल, २२ बैशाख । विवान फार्मेसीको तेस्रो स्थापना दिवसको अवसरमा विविध कार्यक्रम गरि मनाएको छ । स्थापना दिवसको अवसरमा पारेर फार्मेसीले निशु्ल्क र विशेष छुट सहित सातौ स्वस्थ्य एवं ल्याब परिक्षण कार्यक्रम गरेको छ । शनिबार औपचारिक कार्यक्रमको नेपाल औषधी ब्यवसायी संघ, लुम्बिनी प्रदेशका अध्यक्ष लुकराज न्यौपाने उद्घाटन गर्दै ब्यवसायीक हकहितसंगै सामाजिक कार्यमा गरेको कामको प्रशंसा गरे ।

विवान फार्मेसी रुपन्देहीमा नै मापदण्ड पुरा गरेको एकमात्र स्वास्थ्य सेवा दिने फार्मेसीका रुपमा रहेको एमडी दिपक ढकालले दाबी गरे । ‘फार्मासिष्टबाटमात्र औषधी वितरण गर्दै आएका छौ ।’—उनले भने । स्वास्थ्य सेवासंगै सामाजिक उत्तरदायित्वमा समेत आफुहरु स्थापनाकालदेखी नै सेवा गर्दै आएको उनले बताए । सातौ पटक शिविर संचालन गर्दा करीब ३ हजार ५ सय जनालाई सेवा दिईएको फार्मेसीका एमडी ढकालले बताए । छैटौ पटकसम्म निशुल्क औषधी वितरण समेत गरिएको उनले बताए । यसपटक ३ दिने कार्यक्रममा निशुल्क सुगर र अन्य ल्याब परिक्षणमा छुट दिईएको उनले बताए । वैशाख २२ र २३ गते दुई दिनसम्म विशेषज्ञ चिकित्सकबाट परिक्षण र परामर्श सेवा दिईने उनले बताए । स्त्रीरोग विशेषज्ञ डा अनिता पुन, बाल तथा नवजात रोग विशेषज्ञ डा सन्दिप शाक्य, ईन्डोक्राईमोलोजिस्ट डा.एस एन यादवबाट सेवा दिइने उनले बताए ।

कार्यक्रममा नेपाल फार्मेसी संघ रुपन्देहीका अध्यक्ष गणेश सेढाईले फार्मासिष्टबाटमात्र औषधी बिक्री वितरण गर्नुपर्ने कुरा संस्थागत रुपमा वकालत गर्दै आएको बताए । सरकारबाट औषधीको वर्गिकरण गरेको छ । जसमा क, ख र ग मध्ये पहिलो दुई वटा अनिवार्य फार्मासिस्टबाट बिक्रीवितरण गर्नुपर्ने प्रावधान रहेको उनले बताए । देशमा ओरियन्टेसन गरेकोलाई औषधी विक्रीको मान्यता सरकाबाट पाएको भएपनि सकेसम्म यसलाई ब्यवस्थित गर्दै लैजाने गरि काम भैरहेको उनले बताए । फार्मेसी काउन्सिलमा फार्मेसी संघमार्फत सामाजिक उत्तरदायित्व अन्तरगत निशुल्क शिविर, रक्तदान जस्ता कार्यक्रम गर्दै आएको बताए । फार्मेसी विद्यार्थीहरुलाई गुड फार्मेसी प्राक्टिस, तालिम जस्ता कार्यक्रमहरु गर्दै आएको छ ।

नेपालमा हाल पिसिएल, ब्याचलर, मास्टर लेभलको पढाई हुन्छ । रुपन्देहीमा ५ सय बढी फार्मासिस्टहरु संघमा आवद्ध रहेको उनले बताए । ०७३/०७४ को तथ्याकमा ९ हजार रहेकोमा हाल देशभर करीब २० हजार फार्मासिस्ट दर्ता रहेका छन ।

कार्यक्रममा फार्मेसीका मेडिकल डाईरेक्टर सुभ्रेन्द्र प्रसाद यादव, मेडिकल ईन्चार्ज ईन्दिरा चौधरीले स्वास्थ्य सेवा केवल आर्थिकमात्र नभई सामाजिक सेवा भावना जोडिएको पेशा भएको बताए ।