खोज

सल्यान, १३ बैशाख ।

सल्यानमा विवाहको भोज खाएर फर्कने क्रममा सल्यानको कुमाख गाउँपालिका वडा नं ६ मा २१ बर्षीय बिकास वलीको हत्या आरोपमा ११ जना पक्राउ परेका छन् । घटना पछि फरार रहेका ११ जनालाई नित्रन्त्रणमा लिइएको जिल्ला प्रहरी कार्यालय सल्यानले जनाएको छ । पक्राउ परेकाहरुलाई बिहीबार म्याद थपका लागि जिल्ला अस्पताल सल्यानमा पेश गरिएको बताइएको छ । पक्राउ परेका युवाहरुको परिचय भने गोप्य नै राखिएको छ ।

जिल्लाको कुमाख गाउँपालिका – ६ का २१ बर्षीय बिकास वलीमाथि बैशाख ११ गते छिमेकी गाउँका युवाहरुले कुटपिट गरेका थिए ।

दाउराको चिर्पट लगाएतको आक्रमणबाट गम्भीर घाइते भएका बिकासको उपचारका लागि बाँके तर्फ लैजाने क्रममा मृत्यु भएको जिल्ला प्रहरी कार्यालय सल्याका प्रहरी प्रमुख डिएसपी नबीन कार्कीले जानकारी दिए । प्रहरीका अनुसार पक्राउ पर्ने हरु सबै नाचगान गर्ने वाहानामा छिमेकी गाउँबाट पुगेका युवाहरु हुन ।

उक्त दिन मृतक बिकासका ठूलो बुवाको छोरीको बिहे थियो । छोरी पठाइसकेपछि पुगेका युवाहरुले दुलहीको माइती घरमा उच्छृङखल गतिबिधि गर्न थालेपछि बिकासले रोक्ने प्रयास गरेका थिए । त्यसपछि उनीहरुले बिकासलाई एकान्त स्थलमा लगेर कुटपिट गरेका थिए ।