खोज

दाङ, २० फागुन ।

सामाजिक रुपान्तरणका लागि महिला मञ्च दाङले आफ्नो छैठौँ साधारण सभा एवं तेस्रो अधिवेशन सम्पन्न गरेको छ । मञ्चको साधारण सभा अध्यक्ष गोमा महराको अध्यक्षतामा सम्पन्न भएको थियो । ‘‘छोराछोरी बीचको विभेद अन्त्य गरौँ, लिङ्ग पहिचान भु्रण हत्या निर्मूल पारौ’’ र ‘‘छोरीको बाँच्न पाउने अधिकारलाई हामी सबैले संरक्षण गरौ’’ भन्ने नाराका साथ सम्पन्न साधारण सभा एवं तेस्रो अभिवेशनमा सचिव शुसिला आचार्यले प्रस्तुत गरेको संस्थागत प्रगति प्रतिवेदन र कोषाध्यक्ष सुविता आचार्यले प्रस्तुत गरेको आर्थिक प्रतिवेदनलाई बन्द सत्रले पारित गरेको थियो ।

यस्तै मञ्चको तेस्रो अभिवेशनले शुशिला आचार्यको अध्यक्षतामा ११ सदस्यीय नयाँ कार्यसमिती चयन गरेको छ । जसको उपाध्यक्षमा माया शर्मा, सचिवमा विमला केसी, सहसचिवमा शिवा घिमिरे, कोषाध्यक्षमा सुनिता शर्मा र सहकोषाध्यक्षमा बसन्ती ढकाललाई चयन गरिएको छ । यस्तै सदस्यहरुमा शिला आचार्य, रिमा शर्मा, लक्ष्मी अधिकारी, विनिता वैद्य र सुस्मा शर्मा रेग्मीलाई चयन गरिएको छ । यो सस्थामा छोरीका आमाहरुको मात्रै सहभागिता रहेको छ । छोरीहरूले पनि समाजमा केही गर्न सक्छन् भन्ने सन्देश दिने र गर्भ मै छोरीलाई हत्या गर्ने कामको अन्त्यका लागि संस्थाले आवाज उठाउने गरेको छ ।