खोज

बुटवल, १० फागुन ।

लुम्बिनी प्रदेशमा पहिलो पटक ठूलो टेक कन्कलेभ आयोजना हुँदैछ । विगत ६ वर्षदेखि नेपालकै ठूलो टेक गैर– नाफामुलक संस्थाको रुपमा आफुलाई विस्तार गर्दै आएको कोड फर चेन्जले लुम्बिनी प्रदेशमै ठूलो टेक इभेन्ट” टेक कन्कलेभ २०२४” को आयोजना गर्न लागेको कोड फर चेन्जका अध्यक्ष कृष्ण पोखरेलले बताए ।

“कोड फर चेन्ज” ले टेक्नोलोजीको प्रयोग मार्फत समाजमा सकारात्मक परिवर्तन तथा सूचना प्रविधिका विद्यार्थीहरुको सुनिश्चित भविष्यको लागि वर्सेनि सयौं युवाहरु र विभिन्न संस्थाहरुसंग सहकार्यमा विभिन्न कार्यक्रमहरु गर्दै आएको छ । यस भन्दा पहिले काठमाडौमा गरिरहेको यस्तो कार्यक्रम यस पटक भने लुम्बिनी प्रदेशमा गर्न लागेको अध्यक्ष पोखरेलले बताए ।

रुपन्देहीको भैरहवामा पत्रकार सम्मेलन गरी कार्यक्रमबारे अध्यक्ष पोखरेलले जानकारी दिएका थिए । “मुख्य गरी यो कार्यक्रम सूचना प्रविधिमा रुची राख्ने माध्यमिक तहका विद्यार्थी तथा स्नातक अध्ययन गरिरहेका विद्यार्थीहरुलाई लक्षित गरी आयोजना गरिएको हो”– उनले भने । यस कार्यक्रमको मुख्य उद्देश्य प्रविधि क्षेत्रमा काम गर्दै आएका कम्पनीहरु, कलेजहरु र विद्यार्थीहरु, सरकारी निकाय जम्मा गरी एक आपसमा देखिएको दुरीलाई कम र विद्यार्थीहरु र बिभिन्न निकायहरुबिच पुलको काम गर्ने रहेको बताए ।

लुम्बिनी प्रदेश युवा परिषद्संगको सहकार्यमा एशियन बुद्ध होटल सिद्धार्थनगर, भैरहवामा हुने भएको छ । कार्यक्रमले नेपालको सूचना प्रविधिको क्षेत्रमा टेवा पुर्याउने र प्रविधिमा काम गरिरहेका संस्था र व्यक्तिहरुविच एउटा कसिलो चेन निर्माण गर्ने दावी परिषद्का उपाध्यक्ष गोविन्द बहादुर खत्रीले बताए । उनले भने, “यस्तो कार्यक्रमले युवाहरुलाई प्रविधिमा प्रोत्साहन गर्छ सम्भावना पनि भएको कारण बिभिन्न प्रबिधिमा युवाहरु जस्तै सचेतना कार्यक्रम पनि गर्न जरुरी छ । प्रविधिमा युवाहरुको निःशुल्क आधारभूत क्षमता विकास युवाहरु सम्भावना र उनीहरुको क्षमतालाई पहिचान र काउन्सिल गर्न सके पनि युवाहरु स्वदेशमै टिक्न र बिक्न सक्छन ।

साथसाथै सुचना प्रविधिसंग सरोकार राख्ने सबैलाई फागुन १३ गते भैरहवामा हुन गैइरहेको टेक कन्कलेभ २०२४ मा सहभागी हुन समेत आह्वान गरिएको छ । सम्पूर्ण इछुक बिद्यार्थीलाई निःशुल्क प्रवेशको व्यवस्था गरिएको आयोजकले बताएको छ ।

यस कार्यक्रम भित्र सूचना प्रविधिको तिब्र विकास र भविष्य बारे पावर टक, समूहगत छलफल, प्रोजेक्ट प्रदर्शनी, स्टल भिजिट, नेटवर्किङ सेसन तथा अन्य मनोरन्जनात्मक कार्यक्रमहरु समावेश गरिएको छ । यस कार्यक्रमले प्रविधि क्षेत्रमा उदाउदै गरेका स्टार्टअप लाई पनि विशेष स्थान दिने भएको छ ।