खोज

नवलपुर, १९ माघ । पूर्वी नवलपरासीको कावासोतीमा वैवाहिक खर्चलाई कटौती गर्दै स्वर्गीय बुबाको सम्झनामा पत्रकारिता अक्षयकोष स्थापना गरिएको छ ।

कावासोती नगरपालिका वडा नं २ बस्ने छोरा झपेन्द्रश्वर प्रसाद भुसाल बुहारी खिना भुसालले सामाजिक कामका लागि आफूलाई प्रेरित गर्ने गरेको सम्झनामा आफ्ना छोराको वैवाहिक खर्चलाई कटौती गर्दै कावासोतीमा एक कार्यक्रमको आयोजनाका साथ प्रजातन्त्रका सेनानी स्वर्गीय नेत्रप्रसाद भुसाल स्मृति पत्रकारिता पुरस्कार घोषणा गरी नेपाल प्रेस युनियन नवलपुर शाखालाई चेक हस्तान्तरण गरेका छन् ।
नेपाली काँग्रेसका नेता डा। शशाङ्क कोइरालाले प्रधानमन्त्री पुष्पकमल दाहाल सरकार सञ्चालनमा असफल भएको बताएका छन । कावासोतीमा भएको प्रजातन्त्रका सेनानी स्वर्गीय नेत्रप्रसाद भुसाल स्मृति पत्रकारिता पुरस्कार घोषणा कार्यक्रमलाई सम्बोधन गर्दै सो बताएमा हुन । कोइरालाले सरकार सञ्चालन गर्न दूरगामी दृष्टिकोण र आर्थिक पक्ष महत्त्वपूर्ण हुने बताउँदै ’यी दुवै कुरामा प्रचण्ड असफल हुनु भएको जिकिर गरे ।

सामाजिक रूपान्तरणमा आफूलाई स्थापित गराउन समाजमा एउटा मात्र राम्रो कार्य गरे पुग्ने विश्वास दिलाउँदै भुसाल परिवारले गरेको कार्य उदाहरणीय भएकाले आफूले बारम्बार भन्दै आएको सपना आफ्नै कार्यकालमा छिटो पुरा गर्ने प्रतिबद्धता दिए ।

नेपाल प्रेस युनियन नवलपुर शाखामा एक लाख को पत्रकारिता अक्षयकोष स्थापना गर्दै सामाजिक रूपान्तरणका लागि आफू स्वयमबाट सुरु गर्नुपर्छ भन्दै सहयोग गरेको झपेन्द्रश्वर भुसालले बताए । सामाजिक रीतिरिवाज अनुसार माघ १७ गते छोराको विवाह गरेपश्चात् बिहीबार भोजभतेर नगरी अक्षयकोष स्थापना गरेको उनले बताए ।
पछिल्लो समयमा विवाह खर्चिलो बन्दै गएकाले हुने खानेलाई मात्र नभई सामान्य परिवारलाई पनि समाजमा विवाह गर्दा धेरै ऋण खोजेर भोजभतेर गर्नुपर्ने बाध्यता रहेकाले त्यसलाई बिस्तारै कम गर्दै जानका लागि प्रेरणा मिलोस् र पत्रकारिताको मार्फत समाजमा योगदान पुराउने पत्रकारलाई हौसला दिनका लागि भुसाल परिवारले अक्षयकोषको स्थापना गरेको बताए ।

भुसालले स्थापना गरेको अक्षयकोष सञ्चालन निर्देशिका अनुसार अक्षयकोष राष्ट्रिय वाणिज्य बैङ्कमा मुद्धति खातामा राखी वार्षिक आउने ब्याजको रकमबाट उत्कृष्ट हुने पत्रकारलाई प्रोत्साहन रकम उपलब्ध गरिने र २५ प्रतिशत रकमबाट अक्षयकोषमा जम्मा गर्दै लैजाने नेपाल प्रेस युनियन नवलपुरका अध्यक्ष खगराज सापकोटाले जानकारी दिए।