© २०२३
११ मंसिर २०८१, मंगलवार
११ मंसिर २०८१, मंगलवार
बर्दघाट, १४ माघ । बर्दघाट नगरपालिका वडा नम्बर ४ टिसिएन चोकको स्वर्गिय लोक बहादुर क्षेत्री स्मृति पार्कमा वृहत सरसफाई कार्यक्रम गरिएको छ । राष्ट्रिय लोक तथा दोहोरी गित प्रतिष्ठान पश्चिम नवलपरासीले पार्क क्षेत्रमा वृहत सरसफाई सँगै वृक्षारोपण समेत गरेको हो ।
पार्कको मुल गेटबाट ट्रयाक निर्माणसँगै करिव १० कठ्ठा क्षेत्रफलमा फैलिएको पार्कलाई सौन्दर्यकरण गर्ने र हरियाली प्रवर्धनमा टेवा पुयाउने उद्देश्यले सरसफाइ र वृक्षारोपण गरिएको प्रतिष्ठानकी अध्यक्ष श्यामकला भण्डारीले बताइन ।
टिसिएन चोक नजिकै पारिजात सामुदायिक वन क्षेत्रमा रहेको पार्कमा लोक स्रष्टा क्षेत्रीको २०७४ सालमा स्थापित शालिक रहेको स्थानसम्म करिव ३० वटा धुपी लगायत विभिन्न प्रजातीका फूलहरु रोपि तारवार गरि सँरक्षित क्षेत्रको सरसफाई गरिएको प्रतिष्ठानकी सदस्य नोशन सुवेदीले बताइन ।
नवलपरासीका लोक स्रष्टा स्वर्गिय लोक बहादुर क्षेत्रीको स्मरणमा विगत लामो समय देखी पार्क निर्माणको प्रकृया अघि बढाइएको र आगामी दिनमा ब्यवस्थित पार्कको अवधारणा अनुसार अघि बढिने प्रतिष्ठानका प्रवक्ता देविदत्त सापकोटाले बताए ।
© २०२३
सर्वाधिकार सुरक्षित
Design & Developed By:
