खोज

बुटवल, १४ माघ । छैठौ स्थापना दिवसको अवसरमा गुल्मी चारपाला रुपन्देही सम्पर्क समाजले सामाजिक उत्तरदायित्व अन्तरगत सिद्धार्थ बाल गृहलाई सहयोग गरेको छ । स्थापना दिवसलाई रचनात्मक कार्य गरेर समुदायमा पहिचान बनाएको समाजले शनिबार औपचारिक कार्यक्रम गरि गृहलाइ सहयोग सामग्री हस्तान्तरण गरेका हो ।

गृहमा आश्रितहरुलाई दुई महिनालाई पुग्ने गरि समाजबाट दैनिक उपभोग्य सामग्रीका साथै भैरहवा घर भई हाल क्यानड़ामा बस्दै आएका रोमा भुषालबाट थप १० हजार बराबरको खाद्यान्न, अध्यक्ष उषा खत्रीले किशोरीहरुलाई सेनिटरी प्याड तथा श्रृगारका सामग्री सहयोग भएको हो ।

मायादेबी गाउँपालिका वडा नं. ८ का वडा अध्यक्ष चोक बहादुर थापा, वडा सदस्य लक्ष्मण अर्याल, संस्थाका सल्लाहकार हेमलाल शर्मा, गोबिन्द अर्याल, लक्ष्मण अर्याल, सबित्रा टण्डन, कर्ण ब. टण्डन, शंकर ज्ञवाली, लुब ब ढेंगा, सचिब विकास टण्डन, संस्थाका सल्लाहकार लक्ष्मण अर्यालले सिद्धार्थ बाल गृहका संचालक कृष्णमाया गुरुङलाई सामग्री हतान्तरण गरे ।

कार्यक्रममा सिद्धार्थ बाल गृहका संचालक कृष्णमाया गुरुङले मानविय सेवामा सामाजिक संघसंस्थाहरुको योगदानको प्रशंसा गरिन । विभिन्न ब्यवसायिक तथा सामाजिक संघसंस्थाहरुको सहयोगबाट बाल गृह सञ्चालनमा सहजता आएको उनले बताईन ।