खोज

टवल, ९ माघ ।

राष्ट्र, राष्ट्रियता, धर्म संस्कृति र नागरिक बचाउ अभियानका केन्द्रीय संयोजक दुर्गा प्रसाईंले आफुहरुले चाहेको व्यवस्था आउने दिन बैंक र वित्तीय संस्थामा रहेको लालपुर्जा परिवर्तन गरिदिने बताएका छन् । उनले बैंक तथा वित्तीय संस्थामा भएको लालपुर्जाको सट्टा मालपोतबाट आफुहरुले पुर्जा जारी गर्ने समेत हास्यास्पद अभिव्यक्ति दिएका छन् ।

बुटवलमा आयोजना गरिएको “अञ्चलस्तरीय” कार्यक्रमलाई सम्बोधन गर्दै उनले अहिलेको व्यवस्थाले जनताको हितमा काम नगर्ने भन्दै व्यवस्था परिवर्तन भएको बखत जनताको बैकमा रहेको घर जग्गाको लालपुर्जा फिर्ता गर्ने बताएका हुन् ।

उनले फागुन १ गतेबाट अहिलेको राज्य व्यवस्था विद्धको नयाँ अभियान सुरुवात हुने र यसको लागि सबैले सहयोग गनुपर्ने बताएका थिए । बुटवलका व्यवसायीहरु अभियानमा जोडिन आग्रह गर्दै उनले सत्य कुरा जहिले पनि तितो हुने भन्दै सत्यको पछि लाग्नको लागि आग्रह समेत गरेका थिए । अहिले देश तस्कर र सीमित मारवाडी समूहको कब्जामा रहेको दावी गर्दै उनले बैंक तथा वित्तीय संस्थाको कारण जनता मर्ने वातावरणबाट बचाउनको लागि अहिलेको अभियान भएको बताएका थिए ।

“अञ्चलस्तरीय” सभामा दिपेन्द्र कण्डेल, शिव सेना नेपालका केन्द्रीय सदस्य शिशिर विक्रम शाह, राप्रपा जिल्ला सदस्य माधव रिमाल लगायतले बोलेका थिए ।