खोज

बर्दघाट, २७ पुस । वडास्तरमा युवा फुटबल खेलाडीहरुलाई प्रोत्साहन गर्ने उद्येश्यका साथ शनिबारदेखी वर्दघाट नगरपालिकामा फुटबल प्रतियोगिता हुने भएको छ । बर्दघाट नगरपालिका वडा नम्बर ४ को सहयोग र नवजिवन युवा क्लव बर्दघाटको आयोजनामा दोश्रो वडाध्यक्ष कप फूटवल प्रतियोगिता हुने भएको हो ।

शुक्रबार पत्रकार सम्मेलन गरि प्रतियोगिताको तयारी पुरा भएको आयोजक क्लवका अध्यक्ष मन्नीलाल थापाले बताए । बर्दघाट नगरपालिकाका १६ वटा वडाका फूटवल टिमले भाग लिने प्रतियोगिताको विजेताले ५५ हजार ५ सय ५५ नगद सहित ट्रफि, प्रमाण पत्र प्राप्त गर्नेछ । यस्तै द्धितिय हुने टिमले नगर ३३ हजार ३ सय ३३ रुपैया प्राप्त गर्ने उनले बताए ।

बर्दघाट नगरपालिका वडा नम्बर ४ को बाढिपिडित स्थित फूटवल मैदानमा हुने प्रतियोगिता सँचालनको लागि करिव ५ लाख खर्च हुने वडा सदस्य जनक रावलले जानकारी दिए ।

प्रतियोगिता संचालन गर्न वडा नम्बर ४ बाट २ लाख ५० हजार र नगर खेलकुद विकास समितिबाट ७० हजार रुपैया बजेट विनियोजन भएको खेल संयोजक गुप्त बहादुर सारुले बताए । प्रतियोगितामा उत्कृष्ट गोलरक्षक, डिफेन्स, अनुशासित टिम, उत्कृष्ट फरवार्ड लगायतलाई समेत विधागत पुरस्कारको ब्यवस्था गरिएको छ ।

शनिबार उद्घाटन खेल वडा नम्बर १ र वडा नम्बर ९ विच हुने क्लवका सचिव सुरेन्द्र रायमाझीले जानकारी दिए ।