खोज

बुटवल, २३ पुस । लायन्स क्लब अफ बुटवल सिद्धबाबाको आयोजनामा सोमबार बुटवलको धार्मिक पर्यटकिय स्थल सिद्धबाबा मन्दिर धाम परिसर सरसफाई गरेको छ । अन्तराष्ट्रिय सामाजिक क्षेत्रमा अग्रसर लायन्स क्लबका जन्मदाता मेलबिन जोन्स जन्मोत्सवको सप्ताहब्यापी कार्यक्रम अन्तरगत सरसफाई कार्यक्रम गरिने हो ।

बुटवल उपमहानगरपालिका वडा नं ३ स्थित सिद्धबाबा धाम क्षेत्रमा रहेका बोटबिरुवाहरुलाई काटछाट गर्ने, भक्तजनहरुबाट पुजाको क्रममा भएका फोहोरलाई ब्यवस्थापनका काम गरिएको क्लबका अध्यक्ष नारायण तिवारीले बताए । सिद्धबाबामा क्लबकै आफ्नो बाटिका निर्माण गरि पर्यटन विकासमा थोरै भएपनि योगदान दिएको उनले बताए । यो हप्ता १४५ औ मेलबिन जोन्स डे अन्तरगत मेलबिन जोन्स सर्भिस सप्ताहमा नया गाउमाबिका गरिब तथा जेहेन्दार एक सय विद्यार्थीहरुलाई स्विटर वितरण, बुटवल पब्लिक स्कुलका विद्यार्थीहरुलाई आखाको निशुल्क परिक्षण, नयागाउस्थित क्लबको सचिवालयमा मधुमेह परिक्षण शिविर गरिने उनले बताए ।

कार्यक्रममा क्लबका डिस्ट्रिक ३२५ पि का को–चिफ एडभाइजर टंक गैरे, सिद्धबाबा धाम विकास समितिका अध्यक्ष नारायण आचार्य, कार्यक्रमका संयोजक नेत्र पाण्डेले सामाजिक कार्यमा क्लबको योगदानबारे चर्चा गरे । क्लबका कोषाध्यक्ष महेश पाण्डेले क्लबका सदस्यहरुबिच एकतावद्घ भई विविध सामाजिक कार्यमा अग्रसर रहेको बताए ।