© २०२३
४ आश्विन २०८१, शुक्रबार
४ आश्विन २०८१, शुक्रबार
बुटवल,८ पुस । पूर्वराजा ज्ञानेन्द्र शाह आइतबार रुपन्देही आएका छन् । उनी पत्नी कोमल राज्य लक्ष्मी देवी शाहसहित धार्मिक कार्यक्रममा लागि रुपन्देही आएका हुन् । बुद्ध एयरको जहाजबाट भैरहवा विमानस्थल ओर्लेका शाहलाई उनी समर्थक र राप्रपाका नेता कार्यकर्ताले स्वागत गरेका छन् । विमानस्थलमा जम्मा भएका उनका सयौं समर्थकहरुले ‘राजा आऊ देश बचाऊ, हाम्रो राजा हाम्रो देश प्राण भन्दा प्यारो छ’ लगायतका नारा लगाएका थिए । शाह विमानस्थलबाट मुख्य सडकसम्म हिंडेका थिए भने त्यहांबाट अञ्चलपुरमा रहेको तारे होटेल सिद्धार्थ भिलासासम्म आफै कार हांकेर थिए । सो अवसरमा समर्थकले नौमति बाजाले पुर्व राजालाई स्वागत गरिएको थियो । शाहले भैरहवालाई मुकाम बनाएर लुम्बिनी प्रदेशका रुपन्देही,कपिलवस्तु,नवलपरासी लगायतका जिल्लाका धार्मिकस्थलको अवलोकन गर्ने कार्यक्रम रहेको पुर्व राजालाई अभिनन्नदन गर्न गठित मूल समितिका संयोजक डा.रामप्रसाद बस्यालले बताए । शाहको भ्रमण तालिका सार्वजनिक नभएपनि भैरहवामा वृहत सभा सहित अभिनन्दन गरिने उनले बताए । शाह पुस १९ गतेसम्म बस्ने कार्यक्रम रहेको उनी निकट स्रोतले जानकारी दिएको छ ।
© २०२३
सर्वाधिकार सुरक्षित
Design & Developed By:
