खोज

बुटवल,८ पुस । नेपाल बचत तथा ऋण केन्द्रीय सहकारी संस्था लिमिटेड नेफ्स्कुनको निर्वाचनमा सत्ता गठबन्धनमा रहेका दल निकट सहकारीकर्मी र नेकपा एमाले निकट सहकारीकर्मीहरुबीच चुनावी प्रतिष्पर्धा आज हुंदैछ । एमाले निकट पक्षबाट वर्तमान अध्यक्ष परितोष पौड्याल पुनः उम्मेदवार बनेका छन् । गठबन्धन निकट समूहबाट कांग्र्ेसका चन्द्रप्रसाद ढकाल अध्यक्षमा लड्दैछन् । गठबन्धनको टिममा नेपाली काग्रेस, नेकपा माओवादी केन्द्र र एकीकृत समाजवादीमा आबद्ध सहकारीकर्मीहरु रहेका छन् । वरिष्ठ उपाध्यक्षमा क्रमशः दामोदर अधिकारी र देवकी नेपाल, उपाध्यक्षमा शान्ति अधिकारी र गोमा नेपाल,
महासचिवमा घनश्याम अधिकारी र सन्दिप सापकोटा, कोषाध्यक्षमा जिवसराज खड्का र दीपक थापाबीच प्रतिष्पर्धा हुन लागेको हो ।

सञ्चालकहरुमा क्रमशः कोशी प्रदेशबाट लक्ष्मी सापकोटा र तारा प्रसाद भट्टराइ,मधेश प्रदेशबाट शोभा कुमारी राउत र गंगा कुमारी,

बागमती प्रदेशबाट खेमराज सुवेदी र शिव अधिकारी, लुम्बिनी प्रदेशबाट ज्ञानु पौड्याल र नवराज न्यौपानेबीच प्रतिष्पर्धा हुने भएको छ । यस्तै गण्डकी प्रदेशबाट गोपाल प्रसाद गौतम र शिव अधिकारीबीच, कर्णाली प्रदेशबाट महेन्द्र प्रसाद शर्मा र विर बहादुरबीच, सुदुरपश्चिम प्रदेशबाट इश्वरी जोशी र दिप्ती शाहीबीच प्रतिष्पर्धा हुने भएको छ ।

खुला सञ्चालकहरुमा योगेश ढकाल,नवराज अर्याल,देवबहादुर श्रेष्ठ,रामशरण घिमिरे,हरेराम प्रसाद, सुशिलकुमार बस्न्यात,नानीकाजी शाक्य र शालिकराम ढकाल तथा महिला खुला सञ्चालकमा राधा कडरिया, विद्या कोइराला,अमरावती महर्जन,मन्दरा मिश्र , कमलादेवी गिरी र सीता ढकाल चुनावी प्रतिष्पर्धामा छन् ।

लेखा सुपरीवेक्षण समितिमा संयोजकमा इन्द्रज्योति पौडेल र माधव जोशीबीच प्रतिष्पर्धा हुदैछ भने सदस्यहरुमा पवित्राकुमारी दाहाल,सतेन्द्र ठाकुर,हेमराज विष्ट, दुर्गा तिवारी सञ्जेलबीच प्रतिष्पर्धा हुंदैछ ।