खोज

बुटवल,३ पुस । बुटवलको अन्तर्राष्ट्रिय प्रदर्शनी स्थलमा पुस ५ गतेदेखि हुन लागेको लुम्बिनी एक्स्पो अन्तर्राष्ट्रिय व्यापार मेलामा १० अन्तर्राष्ट्रियसहित ६ सय स्टल दर्ता भएका छन् । आर्थिक मन्दीका बीच रुपन्देहीमा आयोजना हुने ब्यापार मेला मध्ये यो स्टल संख्या सबैभन्दा धेरै हो । रुपन्देही ब्यापार संघको आयोजनामा हुन लागेको एक्स्पोमा भारत, चीन, बंगलादेश, पाकिस्तान, कोरिया लगायतका देशबाट १० वटा राष्ट्रका उत्पादनका स्टल रहने आयोजकले मंगलबार पत्रकार सम्मेलन गरी जानकारी गराए ।

रुपन्देही व्यापार संघले बिगतदेखि नै कृषिको ब्यवसायीकरण तथा आधुनिकरण, स्थानिय साना तथा घरेलु ब्यवसायी तथा महिला उद्यमीलाई प्रेरित गर्ने, सूचना तथा संचार, शैक्षिक, सेवा मूलक, वैकल्पिक उर्जा, स्वदेशी उत्पादनका व्यवसायलाई महत्वपूर्ण ढंगले समावेश गर्ने प्रयास यसपटकको एक्स्पोमा पनि
व्यवहारमै कार्यान्वयन गरिएको संघका अध्यक्ष कृष्णप्रसाद घिमिरेले बताए । सामाजिक उत्तरदायित्व अन्तर्गत कृषि, महिला उद्यमी एंव सामाजिक संघसंस्थाहरुलाई निशुल्क रुपमा केही स्टल उपलब्ध गराइएको उनले बताए ।

एक्स्पोबाट वचत भएको रकमको केही अंश बुटवलकै आर्थिक र सामाजिक क्षेत्रमा लगानी हुने भएकाले यसलाई सफल बनाउन सबैको साथ र रचनात्मक सुझाव अपेक्षा गरिएको अध्यक्ष घिमिरेले बताए ।

एक्स्पोलाई सुरक्षित बनाउन नीजि सुरक्षा कम्पनीको सहभागितामा आवश्यकता अनुसार सुरक्षा प्रवन्ध मिलाइएको र सशस्त्र र जनपद प्रहरीको संयुक्त गस्ती रहने अध्यक्ष घिमिरेले बताए । एक्स्पोको सुरक्षालाई ध्यानमा राख्दै व्यवस्थित रुपमा विभिन्न स्थानमा सिसि क्यामेराको समेत व्यवस्था गरिएको उनले बताए । एक्स्पो सम्पन्न गर्न राजनीतिक दल, संघसंस्था, सुरक्षा निकाय,समाजसेवी एवं आम नागरिकहरुको पूर्ण सहयोग प्राप्त हुनेमा आयोजक विश्वस्त रहेको उनले बताए । एक्स्पो उद्घाटनको पुर्व सन्ध्यामा मेला स्थल बुटवलमण्डपबाट बिभिन्न जात जाति, धर्म, समूदायको लोक संस्कृति झल्किने खालका झाँकी सहित जनचेतनामूलक ¥याली निस्केर बुटवल बजार परिक्रमा गर्ने छ । जन चेतना ¥यालीमा सहभागि उत्कृष्टलाई पुरस्कृत गर्ने कार्यक्रम समेत रहेको छ ।

एक्स्पोमा सबैभन्दा धेरै गार्मेन्ट तथा तयारी पोशाकका १ सय ४१ स्टल दर्ता भएका छन् । होल तथा रेष्टुरेन्टका २३, कृषिका ४३, अन्तर्राष्ट्रिय १०, ब्याग र जुत्ता चप्पलका ६८ र राष्ट्रिय तथा बहुर्राष्ट्रिय कम्पनीका ७८ स्टल रहने मेला आयोजक संघका अध्यक्ष कृष्णप्रसाद घिमिरेले जानकारी दिए । श्रृंगार, उपहार तथा खेलौनाका ५२,फर्निचर तथा फर्निसिङ, किचन एण्ड प्लाष्टिकका ५३,बैंक÷वित्तिय संस्था एवं शैक्षिक संस्थाका १८, अटोमोवाइल्का ६, सूचना प्रविधि, इलेक्ट्रिक तथा इलेक्ट्रोनिक्सका १६,आइसक्रिम तथा वेकरीजका १८,स्टेशनरी तथा स्पोर्टसका ८ र औषधिजन्य ६६ स्टल रहने अध्यक्ष घिमिरेले बताए । मेलामा १० लाख दर्शकलाई अवलोकन गराई ५० करोड रुपैयाँको आर्थिक कारोबार गर्ने लक्ष्य रहेको उनले बताए । मेलामा बुद्ध जन्मस्थल लुम्बिनीसहित प्रदेशभित्रका धार्मिक, सांस्कृतिक, पर्यटकीय तथा ऐतिहासिक महत्व बोकेका सम्पदा तथा सथलको प्रचारप्रसारसमेत गरिने महासचिव दयानिधि भण्डारीले बताए । कोरोना महामारीपछि सुस्ताएको व्यापार व्यवसायलाई चलायमान बनाउन अन्तर्राष्ट्रिय व्यापार मेलाले टेवा पुग्ने अपेक्षा गरिएको प्रचारप्रसार संयोजक पर्शुराम पन्थले बताए । मेला अवधिमा दर्शकको मनोरञ्जनका लागि लोक दोहोरी, डान्स आइडल, विद्यालयस्तरीय लोक नृत्य, विद्यालय स्तरीय वादविवाद, ¥याप र भजन गीत प्रतियोगिता तथा चर्चित कलाकारहरुको प्रस्तुति समावेश गरिने उनले जानकारी दिए । एक्स्पोमा सहभागी स्टलको वीमा सहित स्मार्ट सुरक्षा व्यवस्था गरिएको र उद्घाटन समारोहको तयारी करिब पुरा भएको संघका वरिष्ठ उपाध्यक्ष डिल्लीराज भण्डारीले बताए ।