खोज

बुटवल, ३ पुस ।

बुटवल १२ तामनगरमा रहेको बुद्धटोल विकास संस्थाको १०औं साधारण सभा सोमवार सम्पन्न भएको छ । वि.स.२०६१ मा स्थापना भएको सो टोल विकास संस्थाको साधारण सभाका अवशरमा टोलमा रहेका ८० वर्ष माथीका बृद्धाहरुलाई सम्मान समेत गरेको छ ।
पुर्वमा जानकी टोल विकास संस्था, पश्चिममा राजपुर टोल, दक्षिणमा सक्रिय टोल र उत्तरमा सिस्ने प्लेट टोल विकास सस्था रहेको बुद्ध टोल बिकास संस्थाको १०औं साधारण सभामा बोल्ने वक्ताहरुले टोलमा भएको विकास र गतिविधिले समग्र वडा तथा नगरकै विकासमा प्रभाव पार्ने बताएका छन् ।
साधारण सभामा बोल्दै बुटवल उप–महानगरपालिकाका प्रमुख खेलराज पाण्डेले सरसफाई, हरियाली प्रर्वद्धन र मेलमिलापका लागि बुद्ध टोल बिकास संस्थाले गरेको भूमीका वडा र नगरको विकासका लागि निकै महत्वपूण रहेको बताए । आफ्ना टोल निवासी जेष्ठ नागरिकलाई गरेको सम्मान निकै महत्व रहेको बताउदै नगर प्रमुख पाण्डेले टोलमा विकासका साथै गृहणी महिलाहरुलाई सक्रिय र सिपमुलक बनाउन उपमहानगरले बिभिन्न योजनाहरु ल्याएको बताए ।
कार्यक्रममा वडा नंम्वर १२ का वडा अध्यक्ष डिल्लीराज आर्चायले वडाको विकासमा टोलले महत्वपूर्ण भूमीका खेलेको बताउदै टोलमा रहेका सबै महिलाहरुलाई सिपमुलक बनाउनका लागि आफुले वडा तथा नगर स्तरिय सिपविकासका विभिन्न योजनाहरु अघिसारेको बताए
कार्यक्रममा पूूर्व वडा अध्यक्ष दुर्गा सुवेदी, चारपाल सामुदायिक बन उपभोक्ता संस्थाका जगत पौडेल, तामनगर राजपुर खानेपानी उपभोक्ता तथा सरसफाईका जितबहादुर राहाडी, तामनगर सिकाई केन्द्रका अध्यक्ष विजय कुवँर, देउराली कृषि सहकारी संस्थाका अध्क्षय हरिहर उपाध्याय लगाएतले बोल्दै टोलले गरेका हरेक क्रियाकलाप प्रसंसनिय रहेको बताए । टोलले महिलाहरुलाई लक्षित गरेर संचालन गरेको सिपमुलक कार्यक्रमले धेरैको आयआर्जमा सुधार ल्याउने बताए ।
बुद्ध टोल विकास संस्थाका अध्यक्ष शारदा सुवेदीले वार्षिक गतिविधि प्रस्तुत गदै महिला विकासका लागि टोल ले विभिन्न किसिमका सिपमुलक कार्यक्रहरु संचालन गरि सबै महिलाहरुको समान सहभागिता जनाई आर्थिक उपार्जनमा सबल बनाउन टोल सक्रिय रुपमा लागेको उनको भनाई छ ।
त्यस्तै कार्यक्रममा महासचिवको प्रतिवेदन सुनिता गिरी र कोषध्यषको प्रतिवेदन दिपा थापाले प्रस्तुत गर्नु भएको उक्त कार्यमको स्वागत उपाध्यक्ष विष्णु खड्का क्षेत्रीले गरेका थिए । २०६१ सालमा दर्ता भएको बुद्धटोल विकास संस्थामा हाल १ सय ६ घरदुरी संख्या रहेका छन । टोलमा मासिक रुपमा सदस्यहरुमा मासिक संकलन गर्ने, प्रत्येक महिनाको पहिलो शनिवार राजमार्ग र भित्रिसडकहरु सरसफाई, सेनेटरी प्याड बनाउने तालिम, गुडिया तथा कुसन बनाउने तालिम, अगरवति बनाउने तालिम आदी संचालन गर्दै आएको छ । सो अवशरमा टोल निवासी बृद्धबृद्धाहरुलाई सम्मान समेत गरेका थिए ।