खोज

बुटवल, २८ मंसिर । राष्ट्रिय जनमुक्ति पार्टीका केन्द्रीय अध्यक्ष केपी पालुङ्वाले कोशी प्रदेशबाट सुरु भएको पहिचानको आन्दोलन अन्य प्रदेशमा पनि बिस्तार गर्ने तयारी भएको बताएका छन् । बुधबार बुटवलमा आयोजित राष्ट्रिय जनमुक्ति पार्टी लुम्बिनी प्रदेश (लुथम) दोस्रो अधिवेशन एवं धर्म निरपेक्षता, संघीयता, गणतन्त्र एवं समावेशीताको पक्षमा आयोजित बृहत् आम भेलालाई सम्बोधन गर्दै अध्यक्ष पालुङ्वाले कोशी प्रदेशबाट सुरु भएको पहिचानको आन्दोलन अन्य प्रदेशमा पनि बिस्तार गर्ने तयारी भएको बताएका हुन् ।

पहिचानवादीको आन्दोलनले कोशीमा सरकारलाई झुक्याएरै छाड्ने दृढता ब्यक्त गर्दै उनले प्रमुख प्रतिपक्षी दल नेकपा एमालेका अध्यक्ष केपी शर्मा ओली पनि कोशीमा पुग्दा बोली फेर्न बाध्य भएको दाबी गरे । मुलुक गृहयुद्ध तर्फ उन्मुख भएको भन्दै उनले भ्रष्टाचार, कालोबजारी र भागबन्डाको राजनीतिका कारण मुलुक तहसनहस भएको बताए । उनले संघीयता आएपछि स्थानीय तहमा अधिकार दिइए पनि प्रदेशलाई अधिकार नदिइ पेनडुलम बनाइएको आरोप लगाए ।

हार्नेलाई कंगाल बनाउने र जित्नेलाई धनी बनाउने निर्वाचन प्रणाली गलत भएको भन्दै निर्वाचन प्रणाली सुधार गर्नुपर्नेमा जोड दिए ।
पार्टीका कार्यकारी अध्यक्ष केशव सुर्यवशीले जनताले मुलुकमा तिनवटा धार एउटा प्राप्त उपलब्धि उल्ट्यायन लागि परेको छ, अर्को शक्ति यथास्थितिवादी प्राप्त उपलब्धिको रक्षा गर्दै सिंहदरबारमा रहेको अधिकार गाउँ गाउँमा पु¥याउन चाहने शक्ति यो अधिवेशन मात्रै नभएर मुलुकलाई पश्चगमनमा लैजाने षड्यन्त्र बिरूद्व खबरदारी सभा पनि हो । ‘स्वायत्तता सहितको संघीय लोकतान्त्रिक गणतन्त्र कार्यान्वयन गर्नुको बिकल्प छैन– उनले भने । नेपाल भन्दा पाँच सय गुणा सानो मुलुक पनि संघीयतामा गएको छ । जसको जनसंख्या ५० हजार मात्रै छ भन्दै उनले एनसेल प्रकरण संघीयताका कारण भएको नभएर सत्तामा बस्नेहरूको भ्रष्ट आचरणका कारण भएको हो बताए । भ्रष्टाचारीलाई देशद्रोही घोषण गर्न आवश्यक रहेको उनको भनाइ थियो ।

अबको लडाइ संघीय समाजवादी पार्टी रिजवान अन्सारी संघीय लोकतान्त्रिक गणतन्त्र समाप्त पार्ने षड्यन्त्र गर्ने शक्तिलाई परास्त गर्ने चेतावनी नेपाली जनताले कांग्रेस एमाले माओवादी लगायत सत्तामा गएका दलहरूको विकल्प खोजेका हुन् ब्यवस्थाको विकल्प नखोजेको दावि उनको थियो ।

राष्ट्रिय जनमुक्ति पार्टी रूपन्देहीका अध्यक्ष प्रेमबहादुर थापा, राष्ट्रिय जनमुक्ति पार्टी लुम्बिनी प्रदेश (लुथम) का अध्यक्ष झमबहादुर गुरूङ, उपाध्यक्ष हरिओम बिक, सचिव चित्रप्रसाद गुरूङ, उपसचिव आशा गुरूङ लगायतले आ–आफ्नो भनाई राखेका थिए ।