खोज

सुजिता श्रेष्ठ
बुटवल, २७ मंसिर ।

बुटवल उपमहानगरपालिका धार्मिक पर्यटकीय तीर्थस्थल श्री नीलकण्ठ बाबाधाम तथा श्री सन्तोषीमाता गुरुकुल विद्याश्रममा पुस १ गते देखि ३ महिने श्री शिवशक्ति, ११अतिरुद्री, अयुतचण्डी, राष्ट्रियकल्याण महायज्ञ २०८० सुरु हुँदै छ । चैत्र ४ गतेसम्म हुने महायज्ञको उद्घाटनका लागि अन्तिम तयारीमा रहेको श्री नीलकण्ठ बाबाधाम यज्ञ कार्य सम्पादन मूल समितिले जनाएको छ ।

संस्कृत र संस्कृतिको जगेर्ना सँगै हिन्दू सनातन धर्मको रक्षा र राष्ट्र कल्याणका लागि बुटवल उपमहानगरपालिका वडा नं ७ मा अवस्थित धार्मिक पर्यटकीय तीर्थस्थल श्री नीलकण्ठ बाबाधाम तथा श्री सन्तोषीमाता गुरुकुल विद्याश्रममा नेपालकै ईतिहासमा पहिलो पटक श्री शिवशक्ति,११ अतिरुद्री,अयुतचण्डी राष्ट्रकल्याण महायज्ञ सुरु हुने समितिले जनाएको छ । ३ महिने महायज्ञको पुस १ गते बिहान ८ः३० बजे कलश शोभा यात्रा बाट सुरु गरि बिहान ११ः१५ बजे गलेश्वर आश्रम देवघाटधाम तनहुँका अनन्त श्री विभूषित महामण्डलेश्वर स्वामी आत्मानन्दगिरी जी महाराज पिठाधिसबाट उद्घाटन गरिने यज्ञ कार्य सम्पादन मूल समितिले जनाएको छ ।

यस पवित्र धार्मिक अनुष्ठानमा सम्पूर्ण भक्तजनहरुलाई परिवार सहित उपस्थित भई पुण्य लाभ लिनहुन निमन्त्रणा गर्दै महायज्ञलाई सफल पार्नका लागि श्री नीलकण्ठ बाबाधाम तथा श्री सन्तोषीमाता गुरुकुल विद्याश्रमका उपाध्यक्ष चुडामणि पौडेलले आग्रह गरे । श्री निलकण्ठ बाबाधाममा १३औं पटक हुन लागिरहेको महायज्ञमा यज्ञ आचार्य डा.राजेन्द्र रेग्मी र आचार्य हाकिम भण्डारी वशिष्ठ लगायत १२१ जना ब्राह्मण हरुको सहभागिता रहने यज्ञ कार्य सम्पादन मूल समितिले जानकारी दिएको छ । यसैगरी महायज्ञमा हुने दैनिक कार्यक्रमहरु पौष १ गते बिहान ८ः३० बजे कलश शोभा यात्रा, विहान ११ः१५ बजे महायज्ञ उद्घाटन विहान ७ बजेदेखि दैनिक नित्य पूजा ,अतिरुद्री, देवि भागवत, शिवपूराण, गणेशपुराण, सुर्यपूराण, विष्णुपुराण, चार वेद पाठ, अयुतचण्डी तथा हवन गरिने, दिउँसो ५ बजेसम्म दैनिक ३ पटक आरती र टिका प्रसाद वितरण गरिने, ११ अतिरुद्रि शान्ति अभिषेक बिहान ९ बजे, दिउँसो १ बजे र साँझ ५ बजे गरिने, तुलादान, चौरासी पूजन, लक्ष्यवती प्रज्वलन, धनधान्यांचल तथा तण्डुलाचल, आदि गरी चैत्र ४ गते महायज्ञको पुर्णाहुती तथा तिलक प्रसाद वितरण र महायज्ञ समापन गरिने यज्ञ कार्य सम्पादन मूल समितिले जानकारी दिएको छ ।

महायज्ञ अवधिभर अतिरुद्री ११ पटक पाठ हुने,देवि भागवत ९ पटक पाठ हुने, शिवपुराण ११ पटक पाठ हुने गणेशपुराण, ५ पटक पाठ हुने, सुर्यपूराण ५ पटक पाठ हुने, विष्णुपुराण ७ पटक पाठ हुने, ४ जना वेदाचार्यद्वारा चारैवेद पाठ हुने, चण्डी ११ हजार पटक पाठ हुने , दैनिक हवनादि कार्य हुने समेत यज्ञ कार्य सम्पादन मूल समितिले जनाएको छ ।