खोज

बुटवल,२६ मंसिर । यू–१९ एसिया कप क्रिकेटमा नेपाल ५२ रनमा अलआउट भएको छ ।

मंगलबार समूह चरणको अन्तिम खेलमा भारतविरुद्ध नेपाल ५२ रनमा अलआउट भएको हो ।

यूएईमा भारतले टस जितेर फिल्डिङ रोजेपछि ब्याटिङमा आएको नेपालले २२ ओभरमा अलआउट हुँदै ५२ रन मात्र बनाउन सक्यो ।

ओपनर दिपक बोहोरालाई १ रनमा गुमाएको नेपालका भरपर्दा ब्याट्सम्यान अर्जुन कुमाल ७ रनमा पेविलियन फर्किएका थिए ।

उत्तम मगर शुन्य रनमा आउट हुदाँ कप्तान देव खनाल २, गुलसन झा ४, दिपक डुम्रे शुन्य, दिपक बोहोरा ७, दिपेश कँडेल ४, सुबास भण्डारी २ र हेमन्त धामी ८ रनमा आउट भए । आकाश चन्द ४ रनमा अविजित रहे ।

भारतविरुद्ध नेपालको कुनैपनि ब्याट्सम्यानले दोहोरो अंकको स्कोर छुन सकेनन् ।

भारतका राज लिम्बानी एक्लैले ७ विकेट लिएका थिए । आरध्या सुक्लाले २ तथा आर्शिन कुलकर्नीले एक विकेट झारेका थिए ।

प्रतियोगिताको सुरुवाती दुई खेलमा नेपाल पाकिस्तानसँग ७ विकेटले र अगफानिस्तानसँग ७३ रनको पराजित बनेको थियो ।

प्रतियोगिताबाट नेपाल लगभग बाहिरिसकेको छ । नेपाल शुन्य अंक सहित तालिकाको पुछारमा छ । सुरुवातको दुवै खेल हारेको नेपाल नेट रनरेट समेत ऋणात्मक छ ।

यस समूहमा पाकिस्तान ४ अंक सहित शीर्ष स्थानमा छ । भारत र अफगानिस्तान समान २ अंक जोडेको क्रमश दोस्रो र तेस्रो स्थानमा छन् । नेपाल शुन्य अंक सहित तालिकाको पुछारमा छ ।