खोज

बुटवल, २६ मसिर ।

श्री पक्लिहवा माध्यमिक विद्यालय, सिद्धार्थनगर वडा नं. १ पक्लिहवामा ‘शिक्षामा सशक्तिकरणः वर्तमान चुनौतीहरुको सामुहिक समाधान’ विषयक अभिमुखिकरण कार्यक्रम सम्पन्न भएको छ ।

विद्यालयका प्रधानाध्यापक वसन्तकुमार बस्नेतको अध्यक्षतामा भएको कार्यक्रमको उदघाटन विद्यालय व्यवस्थापन समितिका अध्यक्ष युवा समाजसेवी सुशील गुरुङ्गले गरेका थिए । कार्यक्रममा फिनल्याण्डका ल्युट विश्वविद्यालयका पिएचडी स्कलर्स राजन वि.क. तथा विद्यालयका प्रधानाध्यापक वसन्तकुमार बस्नेतले सहजकर्ताको भूमिका निर्वाह गरेको थियो ।

कार्यक्रममा वर्तमान समयमा शिक्षा क्षेत्रमा देखिएका विभिन्न चुनौतीहरुको क्रमबद्ध रुपमा छलफल गरी त्यसका सामूहिक समाधानका उपायहरु के हुन सक्छ भनी विभिन्न विकल्पहरुमा अन्तत्र्रिmया, विश्वव्यापी रुपमा गरिएका प्रयासहरु तथा स्थानीय रुपमा गर्न सकिने समाधानका पाइलाहरुमा विचार विमर्श गरिएको थियो । कार्यक्रममा गुरुङ्गले प्रयोगात्मक र अन्तत्र्रिmया मार्फत गरिने यस्ता कार्यक्रमहरुले शिक्षा क्षेत्रमा रुपान्तरण गर्न, सिकाईको प्रक्रिया सहज बनाउन र विधार्थीहरुको बालमनोविज्ञानलाई बुझन र सोही अनुरुप विकास गर्न महत्वपूर्ण सहयोग पुग्ने धारणा व्यक्त गरे ।

कार्यक्रममा विद्यालयका सहायक प्रधानाध्यापक शेर बहादुर थापा र शिक्षक देवि प्रसाद न्यौपानेले पनि मन्तव्य व्यक्त गरेका थिए ।