खोज

सुनवल, २६ मंसिर ।

प्रधानमन्त्री पुष्पकमल दाहाल प्रचण्ड आज मंगलबार पश्चिम नवलपरासीको रामग्राम स्तुपमा आउदै छन् । शान्तिका अग्रदुत गौतमवुद्धको अस्तुधातु रहेको एतिहासिक तथा धार्मिक स्थल रामग्राम स्तुपमा आयोजित कार्यक्रममा सहभागी हुन प्रधानमन्त्री प्रचण्ड नवलपरासी आउन लागेका हुन् । प्रधानमन्त्री बिहान साढे नौ बजे स्तुप क्षेत्रमा आउने कार्यक्रम रहेको रामग्राम नगरपालिकाका नगर प्रमुख धनपत यादवले जानकारी दिए । प्रधानमन्त्रीले रामग्राम स्तुपमा आई विश्व शान्तीको कामना सहित दिप प्रज्वलन र स्तुप क्षेत्रको पुनस्र्थापना, संरक्षण तथा विकासका लागी दुरदर्शि परियोजनाको शुभारम्भ गर्ने कार्यक्रम रहेको छ ।

लुम्बिनी विकास कोषको नेतृत्वमा रामग्राम नगरपालिका र द प्रोमिस ल्यान्ड नामक संस्था संगको सहकार्यमा उक्त कार्यक्रम हुन लागेको हो । प्रधानमन्त्री प्रचण्ड सहित संस्कृती पर्यटन तथा नागरिक उड्ययन मन्त्री सुदन किराँती, लुम्बिनी प्रदेशका मुख्यमन्त्री डिल्ली बहादुर चौधरी लगायत विभिन्न देशका राजदुत पनि कार्यक्रममा सहभागि हुने जनाईएको छ । रामग्राम स्तुप परिसरमा हुने कार्यक्रमको लागी स्तुप क्षेत्रलाई दुलहि जस्तै सिगाँरिएको छ ।

कार्यक्रम रामग्राम स्तुप क्षेत्रको विकासका लागी निकै महत्वपुर्ण भएको बताउँदै नगर प्रमुख यादवले रामग्राम र पण्डितपुर जस्ता पुरातात्विक स्थलको विकास गर्न सके रामग्रामको मुहार फेर्न सकिने बताए । प्रधानमन्त्री प्रचण्ड गत वैशाखमा वुद्ध पूर्णिमाको अवसरमा रामग्राम स्तुपमै आयोजित कार्यक्रममा पनि सहभागि भई स्तुप क्षेत्रको विकासको गुरुयोजना कार्यान्वयन गर्ने प्रतिवद्धता व्यक्त गरेका थिए । रामग्राम नगरपालिकाले उक्त कार्यक्रमलाई मध्यनजर गर्दे नगर मंगलबार सार्वजनिक बिदा दिने घोषणा गरेको छ । एक सुचना जारी गर्दे नगरपालिकाले उक्त दिन सबै वडा कार्यालय, नगरपालिका भित्रका सम्पूर्ण विद्यालय, स्वास्थ्य संस्था बन्द रहने जनाएको छ ।