© २०२३
२८ भाद्र २०८१, शुक्रबार
२८ भाद्र २०८१, शुक्रबार
सुर्खेत, १४ मंसिर ।
कर्णाली प्रदेश प्रहरी कार्यालयले कर्णालीमा कार्यरत प्रहरीहरुले अब ड्यूटीको समयमा मोबाईल प्रयोग गर्न नपाउने भएका छन् । प्रभावकारी तरिकाले प्रहरीको ड्युटीको साथै सुरक्षालाई मजबूत बनाउन सहयोग पुग्ने भन्दै यस्तो नियम लागु गरिएको कर्णाली प्रदेश प्रहरी कार्यालयले जनाएको छ ।
ड्युटीको समयमा मोबाईल नचलाउन÷नबोक्नको लागि कर्णाली प्रदेश प्रहरी कार्यालयले मातहतका सबै जिल्ला, गण, तलिम केन्द्र, ईलाका, चौकीसम्म परिपत्र गरेको छ र प्रभावकारी रूपमा ब्रिफिङ र अनुगमन गर्ने व्यवस्था पनि मिलाइएको कर्णाली प्रदेश प्रहरी कार्यालयले जनाएको छ ।
प्रदेश प्रहरी कार्यालय सुर्खेतका प्रमूख डिआइजी भिम प्रसाद ढकालका अनुसार कर्णाली प्रदेश र मातहतका प्रहरी कर्मचारीहरूले आफूले ड्युटी गरिरहेको बखत मोबाईल चलाउन नपाउने गरी व्यवस्था मिलाईएको छ ।
‘आफ्नो टिमको कमाण्डरको हकमाभने यो नियमलागु हुने छैन् । ड्युटी टिममा रहेका कर्मचारीलाई जरूरी भएमा कमाण्डरको फोन मार्फत सहजीकरण गरिने छ’, ढकालले भने, ‘ड्युटीको समयमा आफ्नो जिम्मेवारी क्षेत्र भित्र प्रभावकारी निगरानी हुन सकोस र आम नागरिकलाई प्रभावकारी रूपमा सुरक्षा अनुभूति दिलाउन सकियोस् भन्ने उद्देश्यले यो व्यवस्था सुरू गरिएको हो ।’
यसरी मोबाईल नचालाउँदा सुरक्षा निगरानी प्रभावकारी हुने, अपराध भएमा तत्काल अनुसन्धान सफल हुने सामाजिक सञ्जालको दुरूपयोग गर्नु बाट प्रहरी कर्मचारीलाई बचाउन सकिने ढकालको भनाई थियो ।
© २०२३
सर्वाधिकार सुरक्षित
Design & Developed By:
