© २०२३
९ मंसिर २०८१, आईतवार
९ मंसिर २०८१, आईतवार
काठमाडौं ।
पूर्वाधार निर्माणमा सावधानी र जनस्तरमा सचेतना फैलाउन सके विपद्को जोखिम कम गर्न सकिने सरोकारवालाले बताएका छन् । डीपीनेट नेपाल र अक्सफाम नेपालद्वारा काठमाडौंमा आयोजित कार्यक्रममा वक्ताहरुले भूकम्प, बाढीपहिरो, डुबान लगायतका सम्भावित विपदप्रति पूर्व सावधानी अपनाउनुपर्नेमा जोड दिए ।
कार्यक्रममा डीपीनेटका अध्यक्ष सूर्यबहादुर थापाले विपद्को जोखिम न्यूनीकरण गर्नुपर्नेमा जोड दिए । नेपालमा भौगोलिक बनावटले पनि विपद् बढी हुने गरेको बताउंदै पूर्वाधार निर्माणका काममा सचेतना र मापदण्ड पालना अनिवार्य हुने बताए ।
अक्सफाम नेपालका विमल खतिवडाले विपद्को पूर्व सावधानीका लागि समुदायलाई पनि जानकारी र सचेतनामुलक अभियान सञ्चालन गर्नुपर्ने आवश्यकता औंल्याए ।
डाक्टर राजु थापाले सबैखाले विपद्को सावधानी अपनाउनुपर्ने बताउंदै सम्भावित क्षति कम गर्न पूर्व तयारीको महत्वपूर्ण भुमिका हुने उल्लेख गरे ।
वक्ताहरुले भूकम्प बाढीपहिरो डुबान लगायतका सम्भावित विपदप्रति पूर्व सावधानीका लागि सरकारले बढी ध्यान दिनुपर्नेमा जोड दिए ।
© २०२३
सर्वाधिकार सुरक्षित
Design & Developed By:
