© २०२३
२८ भाद्र २०८१, शुक्रबार
२८ भाद्र २०८१, शुक्रबार
दाङ, २ मंसिर । राप्ती प्रादेशिक अस्पताल विकास समितिमा अध्यक्ष नियुक्तको विषयलाई लिएर नेकपा माओवादी केन्द्र दाङमा विवाद चर्किएको छ । लुम्बिनी प्रदेश सरकारका अर्थमन्त्री धनबहादुर मास्कीले पार्टीको निर्णय विपरित आफ्नै नातेदारलाई राप्ती प्रादेशिक अस्पताल विकास समितिको अध्यक्ष नियुक्त गरेपछि माओवादी केन्द्र दाङमा विवाद चर्किएको हो । मुख्यमन्त्री र स्वास्थ्यमन्त्री नभएका बेला कार्यवाहक मुख्यमन्त्रीको जिम्मेवारीमा रहेका मास्कीले आफ्ना नजिकका मान्छेलाई अस्पताल विकास समितिको अध्यक्ष बनाएको आरोप लागेको हो । माओवादी केन्द्र तुलसीपुर नगरकमिटीको कात्तिक १४ गते बसेको बैठकले शशिकिरण ढकाललाई प्रादेशिक अस्पतालको अध्यक्षमा मनोनित गर्न प्रदेश कमिटीलाई सर्वसम्मत सिफारिस गरेको थियो । तर अर्थमन्त्री मास्कीले पार्टीले सिफारिस गरेको व्यक्तिलाई नभई भान्जी ज्वाई नाता पर्ने सल्यानका दीपक शाहलाई कात्तिक २३ गते नियुक्त गरेपछि माओवादी भित्र विवाद चर्केको हो । स्थानीय पार्टी कमिटीको निर्णय विपरित मन्त्री मास्कीले आफू अनुकुलका व्यक्तिलाई नियुक्त गरेर मनोमानी गरेको भन्दै स्थानीय नेताहरू रुष्ट भएका छन् ।
तुलसीपुर नगर कमिटीले गरेको सिफारिस विपरित पार्टीकै मन्त्रीले प्रादेशिक अस्पतालको अध्यक्षमा अर्को प्रदेश कर्णालीका सल्यानका शाहलाई मनोनित गरेपछि पार्टी भित्रै विवाद सुरु भएको माओवादी केन्द्र तुलसीपुर नगर कमिटीका अध्यक्ष खुशीराम चौधरीले बताए । २०७९ मा शाह सल्यानको शारदा नगरपालिका–१५ मा वडा अध्यक्षमा माओवादी केन्द्रबाट चुनाव लडेर पराजित भएका थिए ।
हाल दाङको बबई गाउँपालिका–४ तोकेर नियुक्ति पत्र दिइएको छ । यस अघि अर्थमन्त्री मास्कीले तुलसीपुर नगर कमिटीले सिफारिस गरेको व्यक्तिलाई नियुक्त गर्ने आश्वासन दिएका थिए । माओवादी केन्द्र दाङ जिल्ला अध्यक्ष सुवास पुनले पनि तुलसीपुर नगर कमिटीको निर्णय विपरित आफूले नचिनेको अर्कै व्यक्तिलाई अस्पतालको अध्यक्षमा नियुक्त गरेको भन्दै पार्टी भन्दा मन्त्री ठूलो हुन नसक्ने बताए ।
माओवादी केन्द्र लुम्बिनी प्रदेशका अध्यक्ष सुदर्शन बरालले पार्टीबाट मन्त्री भएकाहरुले पार्टीको प्रदेश नेतृत्व र जिल्ला कमिटीहरूसँग छलफल गरेर मात्रै अध्यक्ष नियुक्त गर्न भनेको तर पालना नभएको बताए । स्थानीय पार्टी कमिटीको निर्णविपरित अर्कै प्रदेशको मतदाता रहेका व्यक्तिलाई नियुक्त गरिएपछि आफूकहाँ थुप्रै गुनासाहरू आइरहेको बरालले बताए ।
अर्थमन्त्री मास्कीले भने प्रादेशिक अस्पतालको अध्यक्ष नियुक्ति प्रदेश सरकारको क्षेत्राधिकार भित्र पर्ने कुरा भएकाले सरकारले निर्णय गरेको बताए ।
स्वास्थ्य मन्त्रालको कार्तिक २३ गते कार्यवाहक मुख्यमन्त्री तथा अर्थमन्त्री स्तरको बैठकले अस्पताल विकास समितिको अध्यक्षमा मनोनयन गर्ने निर्णय गरेको थियो । जसअनुसार प्रदेशका १३ वटा अस्पताल विकास समितिमा अध्यक्षको भागबन्डा अनुसार नेप
ाली कांग्रेसलाई ६, माओवादीलाई ४, जसपा, लोसपा र एकीकृत समाजवादीलाई एक–एक वटा अस्पताल विकास समितिको अध्यक्ष बनाएको हो ।
लुम्बिनी प्रादेशिक अस्पतालको अध्यक्षमा जीवन प्रसाद वझा, प्यूठान अस्पतालको अध्यक्षमा सुवास केसी, रोल्पा अस्पतालमा शेरबहादुर थापा, गुल्मी अस्पतालमा ढुण्डिराज पोख्रेल, रामपुर अस्पताल पाल्पामा श्यामकान्त खनाल, अर्घाखाँची अस्पतालमा लिलाधर बस्याललाई अध्यक्षमा मनोनित गरिएको थियो ।
यस्तै कपिलबस्तु अस्पतालमा शिवलाल यादव, भिम अस्पताल भैरहवामा डा। अनन्त कुमार शर्मा, पाल्पा अस्पतालमा चोपलाल गिरी, रुकुमपूर्व अस्पतालमा सुनिलकुमार रोका, पृथ्वीचन्द्र अस्पताल नवलपरासीमा दुलारी हरिजन, राप्ती प्रादेशिक अस्पताल तुलसीपुरको अध्यक्षमा दिपक शाहलाई नियुक्त गरिएको थियो ।
© २०२३
सर्वाधिकार सुरक्षित
Design & Developed By:
