खोज

कपिलवस्तु, २४ कार्तिक । रुपन्देहीको लुम्बिनीमा नेपालको विन्ध्यबासिनी मुख्यालय र भारतको भारतिय शसस्त्र सिमा बल सेक्टर हेड क्वाटर लखिमपुर खिरी तथा सेक्टर हेड क्वाटर गोरखपुर बिच डिआईजी स्तरीय समन्वयत्मक सुरक्षा बैठक सम्पन्न भएको छ । सशस्त्र प्रहरी बल नेपाल नं ५ विन्ध्यबासिनी बाहिनी मुख्यालय रुपन्देहीको आयोजनामा रुपन्देहीको लुम्बिनीमा दुई देशिय समन्वयात्मक सुरक्षा बैठक भएको हो । बैठकमा सिमा सुरक्षा, भंसार छली गरि अबैध रुपमा हुने सामान ओसार पसार नियन्त्रण, सिमास्तम्भ मर्मत सम्भार, मानव बेचबिखन ओसार पसार रोकथाम, हात अतियार तथा लागु औषध ओसारपसार नियन्त्रण र सुचना आदान प्रदान गर्ने बिषयमा छलफल भएको हो ।
सिमा क्षेत्रमा लक्षित दुई देशिय सुरक्षा संवेदनशिलताका बिषयमा गम्भिर छलफल गरि दवै पक्षका सुरक्षा निकायको थप प्रभावकारी तैनाथी, दशगजा क्षेत्र खाली गरि सरसफाई र सुन्दरताका लागि दुवै देशका सुरक्षा फौजबाट संयुक्त अभियान, सिमापार नेपाल भारतका नागरिकको सुरक्षा आवतजावतको लागि हेल्प डेस्कहरु स्थापना गर्ने, सुचना आदान प्रदान गर्ने बिषयमा दुवै पक्ष सहमत भएका थिए । बैठकमा सशस्त्र प्रहरी बल विन्ध्यबासिनी बाहिनीका सहायक बाहिनीपति शसस्त्र प्रहरी बरिष्ठ उपरिक्षक गंगाराम श्रेष्ठ र भारतिय सीमा सुरक्षा दल सेक्टर हेड क्वाटर गोरखपुरका डिआईजी अखिलेश्वर सिंहले स्वागत मन्तब्य दिएका थिए । कार्यक्रममा विन्ध्यबासिनी मुख्यालय रुपन्देहीका बाहिनीपति सशस्त्र प्रहरी नायव महानिरिक्षक अभिकुमार खत्री सहित भारत सँग सिमा जोडिएका जिल्लाका गणपतीहरु तथा भारतिय सिमा सुरक्षा बल एसएसबी सेक्टर हेड क्वाटर लखिमपुर खिरीका डिआईजी जे डि बशिष्ठ तथा सेक्टर हेड क्वाटर गोरखपुरका डिआईजी अखिलेश्वर सिंह सहित भारतिय सिमा सुरक्षा गणका कमाण्डेन्टहरुको सहभागिता रहेको थियो ।