खोज

नवलपुर, २३ कात्तिक ।

पूर्वी नवलपरासीको देवचुलीमा दुई नाटक मन्चन गरिएको छ । सो नाटक मन्चनमा विशेष गरी विद्यार्थीहरुको सहभागिता उल्लेख्य रहेको छ ।

बालबालिकाले दैनिक पढ्ने पाठ्यक्रममा भएको कथालाई नाटकमा रुपान्तरण गरी मञ्चन गर्दा विद्यार्थीहरुले सरल भाषामा बुझ्ने साथै पूर्वी नवलपरासीमा नाट्य क्षेत्रको विकासमा ठूलो टेवा पुग्ने विश्वासका साथ नाटक मञ्चन गरिएको नाटककार आदर्श सुशिलले जानकारी दिए ।

देवचुली नगरपालिका वडा नं. १७ फारममा रहेको बरचुली माध्यमिक विद्यालयमा सुरु भएको दुई नाटकको मन्चनमा जिल्लाका एक हजार नौ सय बढी विद्यार्थीहरुको सहभागिता रहेको थियो ।

स्थानीय ह्याप्पी एफएमको आयोजना एवं पोखरा थिएटरको प्रस्तुतीमा दोश्रोे पटक थिएटरमा नै साहित्यकार भिमनिधि तिवारीको कक्षा ८ मा पढाई हुने ‘अमर पुत्र’ कथा र कक्षा १० मा पढाई हुने ‘घरको माया’ एकाङ्कीलाई नाटकमा रुपान्तरण गरी मञ्चन गरिएको हो ।

यो नाटक मन्चन अभियानले बालबालिकामा थप ज्ञान वृद्धि गरेको र यसले बिद्यार्थीको ज्ञान बढ्ने पनि बताईएको छ ।

ह्याप्पी एफएमका प्रवन्ध निर्देशक दिपेश कडरियाले ‘एक चिहान’ नाटकको सफलता पश्चात जिल्लामा पुनः ‘दुई नाटक’ को मञ्चन गरिएको बताए । बालबालिकाले दैनिक पढ्ने पाठ्यक्रममा भएको कथालाई नाटकमा रुपान्तरण गरी मञ्चन गर्दा विद्यार्थीहरुले सरल भाषामा बुझ्ने साथै नवलपुरमा नाट्य क्षेत्रको विकासमा ठूलो टेवा पुग्ने विश्वासका साथ नाटक मञ्चन गरिएको कडरियाले बताए ।

नाटक हेरेका विद्यार्थीहरुले प्रत्यक्ष रुपमा थिएटरमा नाटक हेर्न पाउँदा छुट्टै अनुभूती पाएको बताउँदै नाटकबाट आफ्नो गाउँको मायालाई कहिल्यै पनि भूल्न नसकिने र कला सधैं अमर रहने विषयले बढी भावुक बनाएको बताएका थिए ।