खोज

गैंडहवा, २३ कात्तिक ।

रुपन्देहीको गैंडहवा गाउँपालिका वडा न ८ मा सन्चालित हसनापुर माध्यमिक विद्यालयको ५८ औं वार्षिकोत्सव सप्पन्न भएको छ ।

कार्यक्रममा गैंडहवा गाउँपालिका अध्यक्ष सुरेन्द्र पौडेलले आफुले अध्ययन गरेको विद्यालय हसनापुर माध्यमिक बिद्यालयलाई सधै प्राथमिकता राख्ने बताउँदै आफुले अध्ययन गरेको बिद्यालयको बिगतको बारेमा जानकारी गराएका थिए । उनले शिक्षाको गुणस्तर बिना समाज परिवर्तन हुन नसक्ने बताउदै भौतिकसँगै शिक्षाको गुणस्तरमा गाउँपालिकाले निरन्तर काम गरेको बताए ।

आफुले अध्ययन गरेको बिद्यालयमा र अन्य बिद्यालयमा आफ्नो तलब भत्ता शैक्षिक क्षेत्रमा लगाउने र हसनापुर माध्यमिक बिद्यालयलाई ३ लाखको अक्षय कोष स्थापन गर्ने अध्यक्ष पौडेलले बताए । साथै पौड्यालले शिक्षा सुधारमा शिक्षक, अभिभावक, बिद्यार्थी उत्तिकै महत्वपूर्ण रहेको बताउँदै कुनै बिद्यार्थी अभिभावक बिहिन भएमा गाउँपालिकामा सम्पर्क राख्न अनुरोध गरे । साथै हसनापुर माध्यमिक बिद्यालयको शैक्षिक सुधार संगै बिद्यालयको सफलताको शुभकामना ब्यक्त गरे ।

फरक प्रसंगमा अध्यक्ष पौडेलले अहिले बिकास निर्माणमा सबै राजनीतिक पाटी एक ठाउँमा आउनुपर्ने बताउँदै राजनीति २०८४ चुनावको समयमा गर्नुपर्ने बताए ।

कार्यक्रममा गाउँपालिका उपाध्यक्ष माधुरी जैसवाल, गाउँपालिका प्रमुख प्रशासकीय अधिकृत कृष्ण प्रसाद पन्थी, वडा अध्यक्ष भुवन कुमार राना, गैडहवा शिक्षा शाखा प्रमुख माधब राज पौड्याल, सूर्य पूरा माध्यमिक बिद्यालयका प्र.अ रामजी आचार्य , नमुना शिक्षा एङ्लिश स्कुलका रामलाल लोध लगायतले विद्यालयको सफलताको शुभकामना दिएका थिए । बिद्यालयका प्रधानाध्यापक रमेश कुमार नाउले विद्यालयको आय व्यय प्रस्तुत गरेका थिए । उनले प्रगति प्रतिवेदन प्रस्तुत गर्दै बिद्यालयका सुधार गर्नुपर्ने बारेमा जानकारी दिएका थिए ।

बिद्यालयका बिद्यार्थीलाई वार्षिकोत्सब अन्तर्गत विभिन्न खेलकुदमा उत्कृष्ट बिद्यार्थीलाई पुरस्कार सहित सम्मान गरिएको थियोे । कार्यक्रममा विद्यालय ब्यबस्थापन समिति अध्यक्ष विनोद वरई, शिक्षक भागिरथ पोख्रेल, कल्पना भण्डारीलगायतले बोलेका थिए ।