खोज

नवलपुर, १९ कात्तिक ।

खेलकुद क्षेत्रको बिकास बिना समाज र राष्ट्रको विकास असम्भव भन्ने मूल उद्देश्यका साथ नवलपरासी पुर्वको गैंडाकोट नगरपालिकालाई खेलकुद क्षेत्रको हवका रुपमा विकास गरिंदै लगिएको छ ।

नवलपरासी पूर्वको गैंडाकोट नगरपालिकामा खेलकूुदका धेरै सम्भावानाहरु रहेका र यसको विकाससंगै राष्ट्रको विकास र यस क्षेत्रको सामाजिक आर्थिक विकास हुुने भएकाले खेलकुदको हवका रुपमा गैंडाकोटलाई अघि बढाईएको गैंडाकोट नगरपालिकाका नगरप्रमुख मदनभक्त अधिकारीले बताए ।

गैंडाकोट क्षेत्रका केही युवाहरुले शुरुमा गैंडाकोट खेलकुद विकास समिति गठन गरेर गैंडाकोटलाई खेलकुदको क्षेत्रमा अघि बढाउने संकल्पका साथ बृहत्तर गैंडकोटमा खेलकुदको सम्भावना, चुुनौती संँगसँगै विकास र खेलकुदलाई एकै साथ अघि बढाउने गरी यहाँका हरेक नागरिकहरु स्वतस्फूर्त रुपमा कुुनै न कुुनै खेलमा आवद्ध भै अघि बढेका गैंडाकोट खेलकुुद विकास समितिका अध्यक्ष लक्ष्मण कार्कीले बताए ।

गैंडाकोट नगर क्षेत्र भित्रका हरेक विद्यालयका बालबालिकादेखि हरेक उमेरका मानिसहरुका लागि खेलकुद अनिवार्य हुनुपर्छ भन्ने भावनाले गैंडाकोट खेलकुद विकास समितिले गैंडकोट नगरपालिकाको वडा नं. ४ र ८ लाई मिलाएर करीब तीन बिगाहा जग्गामा गैंडाकोट नगरस्तरीय कभर्ड हल निर्माण शुुरु गरेसंगै खेलकुदको हवका रुपमा गैंडाकोटलाई अघि बढाइर्एको खेलकुद विकास समितिका अध्यक्ष कार्कीले बताएका छन् ।

करिब दश करोड खर्च गरी निर्माण थालिएको कभर्ड हल जिल्लाकै नमुना कभर्ड हलका रुपमा विकास गरिने उद्देश्यका साथ भवन निर्माण अघि बढेको र अहिले सम्म दुई करोड बराबरको काम भैसकेको अध्यक्ष कार्कीको भनाइ छ ।

यो कभर्ड हल निर्माण सम्पन्न भएपछि खेलकुदका सबै खेलहरु यहाँ संचालन गर्न सहज हुुने भएकाले पनि अहिले यसको निर्माणमा गैंडाकोट नगरपालिका, गण्डकी प्रदेश सरकार र संघीय सरकारले सहयोग गर्दै आईरहेका छन् । एक निर्बाचन एक खेल ग्राम भन्ने सरकारको नारा भएकाले पनि यो खेलग्रामलाई संघीय सरकारले चासोका साथ हेरको र सहयोग गर्ने प्रतिनिधिसभा क्षेत्र नं. १ का सांसद डा. शशाङ्क कोइरालाले बताए ।

अहिले यहाँ नगर भित्रका हरेक खेलहरु संचालन हुुने र यसलाई खेलकुदको हवका रुपमा नै विकास गरिंदै लगिएको र आगामी बर्षभित्र सबै निर्माण कार्य सक्ने गरी बजेटको ब्यवस्था भएमा गैंडाकोटले खेलकुदको क्षेत्रमा फड्को मार्ने समितिका अध्यक्ष कार्कीको भनाई छ ।

अहिले पनि फुटबल, भलिबलदेखि खेलकुदका सबै खेलहरु खेलाईने र बुढापाकादेखि बच्चा सम्मका सबै उमेरका मानिसहरुलाई खेलप्रति जागरुक र उत्साहित बनाउने र खेलकूदले नै मानिस स्वस्थ हुुन्छ भन्ने भावना जगाउने जस्ता कामहरु पनि भैरहेको खेलकुद विकास समितिका सदस्य प्रकाश पौडेलले बताए ।

गैंडाकोटको विकासमा खेलकुदले ठूलो प्रभाब पार्ने भएकाले पनि यसलाई खेलकुदको हवका रुपमा विकास गर्न सकियो भने मात्र पनि गैंडाकोटको समग्र विकास सम्भव हुुने नगरप्रमुुख मदनभक्त अधिकारीको भनाई छ ।

खेलकुुदको हवका रुपमा विकास गर्दै अघि बढ्ने सोचका साथ यहाँको खेल मैदान निर्माण देखि कभर्ड हल निर्माण लगायत खेल क्षेत्रका सबै किसिमका कार्यहरु सहित अघि बढिएको खेलकुद विकास समितिका अध्यक्ष कार्कीले बताए ।