खोज

बुटवल, १७ कार्तिक। साईकल कल्चर विकाससंगै स्वस्थ्य र पर्यटन जोड्ने उदेश्यका साथ मेचि—महाकाली साईकल यात्रामा हिडेका साइकल यात्री विहिबार पाचौ दिन बुटवल आईपुगेका छन । कार्तिक ११ गते मेचि पुलबाट शुरु भएको साईकल यात्रा शुरु भएको हो । साईकल कल्चरलाई प्रोत्साहनसंगै स्वस्थ्य, पर्यटनलाई साइक्लिङसंग जोड्ने अभियानका रुपमा यात्रा थालेको यात्रा टोलीका अगुवा तथा हिमालयन राइडर्स सोसाइटीका संस्थापक अध्यक्ष ६५ वर्षिय चेतनाथ आचार्यले बताए ।

नेपाल सरकारले पर्यटन प्रवद्र्धन गर्ने उदेश्यका साथ भ्रमण वर्ष मनाउदा भिजिट नेपाल ९८ मा मेचि—महाकाली यात्रा गरेका ६४ वर्षका लक्ष्मी चरण श्रेष्ठ र ५० वर्षका भानुभक्त आचार्य पनि दोस्रो पटक यात्रामा छन । बिसं २०५४ सालमा मेचिमहाकाली गर्दा सामान्य साईकलमा हिड्दाको जोस उनिहरु सम्झन्छन । पत्रकार भानु आफु फोनेक्स साईकलमा पहिलो यात्रा १६ दिनमा सकेको बताए । ‘त्यो समयमा हामी ११ जना थियौ ।’—उनले भने । साईकल यात्राको उदेश्य स्वस्थ्य, पर्यटनमात्र नभई पछिल्लोसमय देशमा देखिएको युवाहरु विदेश जाने अवस्थालाई कसरी रोक्ने भन्ने विषय आम नागरिकसम्म उठाउने समेत भएको उनी बताउछन । ३० बर्ष लामो पत्रकारिता गरेका तथा मकवानपुर पत्रकार महासंघका पुर्वअध्यक्ष समेत रहेका भानुभक्त आचार्य देशको अवस्थाप्रति चिन्तित छन । ‘हामीहरु एउटा सन्देश दिने गरि आफनै खर्चमा हिडेका छौ ।’—उनले भने ।

यात्रामा एक जना महिलासमेत छिन । पछिल्लो एक वर्षदेखि साईकल चलाउदै आएकी हेटौडाकी ३६ वर्षिय सीता श्रेष्ठ आफनो फोटो स्टुडियोको काम थाति रखेर साईकल यात्रामा निस्केकी छिन । ‘निक्कै रमाईलो भएको छ ।’—उनले प्रतिक्रिया दिईन । दाउन्ने देखि बुटवलको सडक खण्डमा बाटोकै कारण धेरै कठिन भएको उनले बताइन । पुर्वाधार विकासमा सरकारको ध्यान जानुपर्ने उनले सुझाव दिईन । ‘पर्यटक आउने सडक नै राम्रो नहुदा कसरी पर्यटन प्रवद्र्धन हुन्छ ?’—उनले प्रतिप्रश्न गरिन ।

साईकल यात्रामा मकवानपुरको ११ जना र बुटवलको २ जनासहित १३ जना सदस्यहरु छन । पहिलो दिन एक सय किलोमिटर दुरी पार गरि ईटहरीमा बस बसेका थिए । दोस्रो दिन सय किलोमिटर दुरी पार गर्दै लाहान, तेस्रो दिन थप एक सय किलोमिटर दुरीमा बागमतीको करमहिया र चौथो दिन हेटौडा बसेका थिए । कावासोटीबाट बिहान हिडेको टोली विहिबार बुटवल आएका हुन । बुटवलमा वरिष्ठ पत्रकार महेन्द्र थापा, साईकलप्रेमी राजु तिवारी, अभिषेक भारीसहित ब्यवसायीक संस्थाहरुले राजमार्ग चौराहामा स्वागत गरेका छन ।

एक दिनमा २ सय ११ किलोमिटरको रेकर्ड

कार्तिक ११ गते शुरु भएको साइकलयात्रामा सहभागीमध्ये हेटौडाका ३८ वर्षिय लेखनाथ ढकाल पेशाले ईलेक्ट्रिकल ईन्जिनियरिङ हुन । शिभम सिमेन्टमा कार्यरत उनि विगत आठ वर्षदेखि दम (स्वासप्रश्वास) सम्बन्धि रोगबाट पिडित थिए । स्वास फेर्न गाह्रो हुने, स्वास घ्यारघ्यार हुने, कफ बस्ने लगायतका समस्या भएपछि उनि निरन्तर औषधी लिन थाले । संगै उनको मधुमेहको समस्या देखियो । ‘परिक्षण गर्दा सुगर लेभल ३९४ थियो ।’—उनले भने ।

पछिल्लोसमय साथीहरुसंगै नियमित साईक्लिङ गर्न लागेसंगै उनको शारीरिक समस्याहरु हट्दै गयो । उनि अहिले स्वस्थ्य छन । आफनो दैनिकीमा साइकललाई जोडेका छन । बिहानी समयका साथै कार्यालय आउजाउ समेत साइकलमा गर्छन । उनै ढकालले यात्राको क्रममा लाहान देखि हेटौडा, हटियासम्मको २ सय ११ किलोमिटर राइड एकै दिनसमा गरेर नया रेर्कड कायम गरेका छन ।