© २०२३
७ मंसिर २०८१, शुक्रबार
७ मंसिर २०८१, शुक्रबार
सुनवल, १६ कात्तिक ।
पश्चिम नवलपरासीको रामग्रामबाट स्रोत नखुलेको साढे १६ लाख नेपाली रकम सहित प्रहरीले एक जनालाई पक्राउ गरेको छ । पक्राउ पर्नेमा पाल्हिनन्दन गाउँपालिका वडा नम्बर २ हरपुरका ईमरान खान रहेको जिल्ला प्रहरी कार्यालयका सुचना अधिकारी डिएसपी रेशम बोहराले जानकारी दिए ।
बोहराका अनुसार खान लु ९० प ७८८५ नम्बरको मोटरसाईकलमा महेशपुरबाट परासी तर्फ आउँदै गरेको अवस्थामा विशेष सूचनाको आधारमा रामग्राम ७ उजैनीबाट प्रहरीले रकम सहित नियन्त्रणमा लिएको हो । चेकजाँच गर्ने क्रममा उनले बोकेको कालो झोलाबाट १ हजार दरको ७ सय थान र ५ सय दरको १९ सय थान गरी १६ लाख ५० हजार नेपाली रुपैयाँ फेला परेको प्रहरीले जनाएको छ ।
बरामद गरिएको रकम, मोटरसाईकल सहित खानलाई आवश्यक कारबाहीका लागि भैरहवा भन्सार कार्यालय पठाउने तयारी भईरहेको छ । घटनाको विषयमा थप अनुसन्धान भैरहेको प्रहरीले जनाएको छ । केही दिन अगाडि पनि प्रहरीले पैसा छाप्ने मेसिन सहित नक्कली पैसा र दुई जनालाई पक्राउ गरेको थियो ।
© २०२३
सर्वाधिकार सुरक्षित
Design & Developed By:
