© २०२३
१० मंसिर २०८१, सोमबार
१० मंसिर २०८१, सोमबार
सुर्खेत,२३ असोज । सुर्खेत,कर्णालीमा लागु औषध नियन्त्रणको लागि प्रहरीले विशेष अभियान सञ्चालन गर्ने भएको छ । कर्णाली प्रदेश प्रहरीले असोज २५ गतेबाट लागुऔषधविरुद्ध लालटिन अभियान सुरु जनाएको छ । लागुऔषध नियन्त्रणका लागि प्रदेश प्रहरीले विशेष अभियान २०८० सुरु गर्न गर्न लागेको प्रदेश प्रहरी प्रमुख डिआइजी भीमप्रसाद ढकालले जानकारी दिए ।
लागुऔषधले व्यक्ति र समाजमा दीर्घकालीन रूपमा नकरात्मक असर पारेको भन्दै कर्णाली प्रदेश प्रहरीले लालटिन अभियान सुरु गर्न लागेको डीआईजी ढकालले बताए ।
लागुऔषध दुव्र्येसन, अवैध रूपमा ओसारपसार र बेचबिखन नियन्त्रणका लागि यो अभियान सुरु गर्न लागेको ढकालले बताए । कर्णाली प्रदेशको राजधानी सुर्खेतदेखि गाउँसम्म कमिटी बनाएर लालटिन अभियान अघि बढाउने बताएका छन् । नागरिकलाई सचेत बनाउन सबै पक्ष सक्रिय भएर लाग्नुपर्ने उनले बताए ।
लागुऔषध दुव्र्यसन र अपराधलाई निरुत्साहित गर्नुका साथै समाज र नागरिकमा सुरक्षित अनुभूति बनाउन अभियान सुरु गरिएको डीआईजी ढकालको भनाई छ । कर्णालीमा लागुऔषधको अवैध ओसारपसारमा संलग्न संगठित गिरोहको गतिविधि सीमावर्ती क्षेत्रमा झन बढ्दै गएकोले यसको अभियान सञ्चालन गर्न आवश्यक रहेको उनले बताए ।
© २०२३
सर्वाधिकार सुरक्षित
Design & Developed By:
