© २०२३
६ मंसिर २०८१, बिहीबार
६ मंसिर २०८१, बिहीबार
सल्यान,२० असोज । सल्यान सिद्धकुमाखकी एक महिलाको शव आफ्नै घर भित्रको भकारीमा फेला परेको छ । जिल्लाको सिद्धकुमाख गाउँपालिका–४ खार्पनकी ४९ वर्षीया गणेशी रोका बिहीबार आफ्नै घरभित्र खाद्यान्न भण्डार गर्ने भकारीमा मृत भेटिएको जिल्ला प्रहरी कार्यालय सल्यानले जनाएको छ ।
मृतकको घरमा मृतक महिला सहित उनका छोरा, छोरी र बुहारी बस्दथे । मृतक गणेशी असोज १५ गते बेलुकादेखि घरबाट हराएको भनेर परिवारले बताउँदै आएका थिए । तीनदिन सम्म उनि कतै सम्पर्कमा नआएपछि गाउँलेहरुले खोजिकार्य थालेका थिए ।
बिहीबार गाउँलेहरु मृतकको घरमा जम्मा भएको बेला घरभित्र शव गन्ध आएको थाहा पाएपछि खोज्दा भकारी भित्र शव भेटिएको जिल्ला प्रहरी कार्यालय सल्यानको प्रवक्ता गोपाल श्रेष्ठले बताए ।
घटना शंकास्पद रहेको र प्रहरीले अनुसन्धान थालेको प्रवक्ता श्रेष्ठको भनाई छ । अनुसन्धानका लागि प्रहरिले केहिलाइ नियन्त्रणमा लिएर सोधपुछ गरिएको छ । शवलाई जिल्ला अस्पताल सल्यानमा पोष्टमार्टम गरिएको र घटनाको रहस्य अनुसन्धान पछि मात्रै खुल्ने प्रहरीको भनाई छ ।
© २०२३
सर्वाधिकार सुरक्षित
Design & Developed By:
