खोज

दाङ, १३ असोज ।

घोराही उपमहानगरपालिका –१५ का प्रयास योगीले तुलसीपुर उपमहानगरपालिका –९ का संजीत गिरीलाई अस्ट्रेलिया जानका लागि पाँचलाख रुपैयाँ बुझाए । प्रयास योगीले २०८० असार ५ गते संजीत गिरीकी श्रीमती खिमीकुमारी बुढाथोकीको नेपाल बैकको खातामा चारलाख रुपैयाँ राखिदिएको उनीसंग भौचरको प्रमाण छ । बाँकी एक लाख रुपैयाँ पनि बुझाएका छन् । बिदेश जाने तयारी गरेका प्रयासलाई गिरीले नक्कली भिसा पठाइदिएको उनलाई थाहा भएन ।

“भीइभीओमा जाँच गर्दा भिसा देखाउँछ तर ओरजिनल भिसा जाँच गर्दा देखाउँदैन ।” उनले भने, शंका लाग्यो कतै आफूले गलत मान्छेको साथ लागेको त हैन भनेर मेन एप्लिकेशन डिटेलमा हेर्दा फेक भिसा देखाएपछि योगी ठगीमा परेको थाहा भयो । योगीले गिरीलाई फोन गरेर किन फेक भिसा पठाएको भन्दा सक्कली भनेर टार्ने काम गरेर अरु पैसा थपेमा प्लेन टिकट काटेर छिटो अस्ट्रेलिया पठाउने प्रलोभन देखाएको योगीको भनाइ छ । “ऋण गरेर पैसा जम्मा गरेको ब्याज तिर्न समस्या परेको छ ।” गिरी सम्पर्क बिहिन भए पछि क्षतीपूर्तीको लागि उजुरी दिन जाँदा जिल्ला प्रहरी कार्यालय दाङले उजुरी लिन नमानेको उनले बताए ।

तुलसीपुर उपमहानगरपालिका –५ का सागर योगीले अस्ट्रेलिया जानका लागि साढे चार लाख रुपैयाँ उनै संजीत गिरीलाई बुझाएका छन् । गिरीले आफूले पैसा नबुझी श्रीमतीको खातामा पैसा राख्न लगाउने गरेको सागरले बताए । अस्ट्रेलियाको भीइभीओमा जाँच गर्दा ओरजिनल देखाउछ तर मेन एप्लिकेशन डिटेलमा इनभेयलीट देखाउछ । त्यसपछि आफू ठगीमा परेको सागरलाई थाहा भयो । बेरोजगार रहेका युवा बिदेश जाने प्रलोभनमा पर्दा व्याज तिर्ने शर्तमा ल्याएको ऋणको व्याज तिर्ने पैसा नहुँदा समस्या परेको छ । ठगीमा परेपछि जिल्ला प्रहरी कार्यालय दाङमा उजुरी दिन जाँदा बैदेशिक रोजगार बिभागमा निबेदन दिनुस उताबाट पत्र आयो भने मात्र हामीले काम गर्न मिल्छ भनेर प्रहरीले निवेदन पनि लिन नमानेको पिडित प्रयास योगीले बताए । उनले अस्ट्रेलिया पठाउने भन्दै योगी जस्तै दाङका अन्य पाँच जनासंग पाँच लाखका दरले पैसा लिएको खुलेको छ । संजित गिरीले आफ्नो टिममा दोलखाको बिजय तामाङ र सुर्खेतको कृपाराम भन्ने ब्यक्ति पनि यो काममा संलग्न रहेको पाइएको छ ।