खोज

बुटवल, १२ असोज । प्रथम रानीगंजा सास्कृतिक तथा व्यापार महोत्सव २०८० को शुक्रबार शुभारम्भ भएको छ । शिव टाउन क्लबको आयोजनामा बुटवल वडा नं १७ स्थित रानीगंजा खेलमैदानमा महोत्सव शुरु भएको हो ।

एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले समुद्घाटन गर्दै युवाहरुको अगुवाईमा संचालन भएको महोत्सवबाट नमुना काम गरेको बताए । बुटवलको समृद्धिको लागि औधोगिक क्षेत्र विकासको फड्को मार्ने थलो भएको बताए। मोतिपुर र रानीगंजामा निर्माण हुने औधोगिक क्षेत्र निर्माण भई यो क्षेत्रको विकास र आर्थिक समृद्धिको आधार बन्ने सम्भावना रहेको बताए । पंचेबाजा, थारु नाच, मगर नाच, सराय लगायतको प्रर्दशन गरि संरक्षण र प्रचारप्रसारमा लाग्न सुझाव दिए । हाल घोषणा भएको ८१३ मध्ये २५० विगाहा औधोगिक क्षेत्रबाट अलग गराएर योजना बनाउनुपर्ने बताए । पुर्वाधार विकासमा सबैपक्षबाट सहयोगको आग्रह गरे । सबैको साझा सपना मोतिपुर क्षेत्र भएको भन्दै यो पुरा गर्ने जिम्मवारीमा अगाडि बढनुपर्ने बताए ।

असोज २३ गतेसम्म संचालन हुने मेलामा राष्ट्रिय कलाकारहरुको दैनिक प्रस्तुतिका साथै दैनिक बुटवलमा सास्कृतिक झाकीहरु प्रर्दशन गरिने अध्यक्ष राम दर्जीले बताए । मेलामा ५० लाख रुपैया कारोबार हुने आयोजकको अपेक्षा छ । जहा खाद्यान्न, लत्ताकपडा, बाल उद्यान लगायत एक सय स्टल रहेका छन ।

कार्यक्रममा वडा नं १५ का वडाअध्यक्ष तथा प्रबक्ता शिव राना, वडा नं १७ का वडाअध्यक्ष ज्ञान बहादुर रेश्मी, सचिव अनिल सुनार, माया भण्डारीले सफलताको शुभकामना दिएका थिए ।