खोज

बुटवल (बुटवलटुडे), १२ असोज। रूपन्देहीको सियारी गाउँलिकाले अति विपन्न १४ परिवारलाई आवास निर्माण गरी प्रदान गरेको छ । पालिकाले उपभोक्ता समिति मार्फत निर्माण गरेको आवासको गाँउपालिकाले हस्तान्तरण समेत गरेको छ । सियारी गाउँपालिका भित्रका अति बिपन्न मध्येका १४ परिवारको पहिचान निर्माण गरिएको आवासलाई सम्बन्धीत परिवारलाई हस्तान्तरण गरिएको हो ।

गाउँपालिकाले आर्थिक बर्ष २०७९/०८० को बजेटमा विपन्न परिवारको पहिचान गरी प्रत्येक वडामा दुई परिवारलाई आवास निर्माण गर्ने गरी बजेट विनियोजन गरिएको थियो । पालिकाले एउटा घर निर्माणका लागि ५ लाख रूपैयाँ र उपभोक्ता समितिले ६१ हजार ७ सय ४४ रूपैयाँ सहित ५ लाख ६१ हजार ७ सय ४४ रूपैयाँको लागत सहभागितामा घर निर्माण गरिएको हो । पालिकाले उपभोक्ता समिति मार्फत निर्माण गरेको आवासलाई सियारी गाउँपालिकाका अध्यक्ष थानेश्वर घिमिरे, उपाध्यक्ष तारा थारु र सम्बन्धीत वडाका वडा अध्यक्षले सम्बन्धित घरधनीलाई घर हस्तान्तरण गरेका हुन । घरमा दुई वटा कोठा, एउटा भान्सा, एउटा सानो व्रान्ड र शौचालय रहेको छ । लामो समयदेखि कच्ची र चुहिने छानोमुनि बस्दै आएका ती परिवारले पक्की घर पाएपछि शुसील दङ्ग परेका छन् ।

सियारी ५ की चन्मति थारुले पक्की घर पाएपछि आफूहरूलाई बस्न, बालबच्चालाई पढाउन निर्क सहज भएको उल्लेख गर्दै गाउँपालिकालाई धन्यवाद दिईन । उनले यस अघि आफुहरू माटो गारो र खपटाको चुईने छतमुनि बसेर गुजारा चलाउँदै आएको बताईन् । सियारी गाउँपालिकाले निर्माण गरी हस्तान्त्रण गरेका ती घरलाई पालिकाको सहमतिविना बिक्री बितरण गर्न नमिल्ने गरी आबश्यक कार्यबिधि बनाउन लागिएको गाउँपालिका अध्यक्ष थानेश्वर घिमिरेले जानकारी दिए । उनले अति विपन्न परिवारका लागि भनेर निर्माण गरिएको घरलाई बिक्री बितरण गर्न दिए अनुदानको दुरूपयोग हुने हुँदा यसलाई बिक्री वितरणमा रोक लगाउने गरी कार्यबिधि बनाउन लागिएको बताए ।

सियारीले नयाँ जनप्रतिनिधि आएपछि शुरु गरेको सियारी आवास योजनालाई यस आर्थिक बर्षमा निरन्तरता दिने गरी बजेटको बिनियोजन गरिएको गाउँपालिका उपाध्यक्ष तारा थारुले जानकारी दिईन । उनले गास, बास र कपासको अभाव भएका अति विपन्न परिवारलाई आवास तयार गरी हस्तान्तरण गरिएको बताउँदै संरक्षणमा ध्यान दिन आग्रह गरिन ।