खोज

आकाश सुवेदी
बुटवल, ७ असोज ।

आज्ञा क्रिएशनको प्रस्तुती खोली निउरो भिडियो गीत सार्वजनिक भएको छ ।

गायककार रामचन्द्र चन्द र ऊनको आमा पुनम चन्दको स्वर रहेको यो गीतमा आधुनिक सहरको खोजीमा मानिसहरु सहर केन्द्रित भएपछि पहाडी बस्तीका घर पाखा सुनसान हुन लागेको कथा छ । त्यसैगरी छोरा छोरीहरु सहर पसेपछि गाउँमा भएका आमा बुवालाई बृद्धाश्रममा लगेर राख्ने गरेको पछिल्लो घटनाक्रमलाई गीतमार्फत प्रस्तुत गरिएको छ ।

गीत तथा संगीत हेमन्त खरालको रहेको छ भने एरेन्ज रामचन्द्र चन्द आफै गरेका छन् । युट्यूवमा हेर्न सकिने यो गीतको निर्देशन हेमन्त खरालले र सम्पादन अमृत चापागाईले गरेका छन् । भिडियोको छायाँकन बसन्त महर्जनले गरेका छन् ।

पहाडी जीवनको वस्तुस्थिति गीतमार्फत मार्मिक ढंगले प्रस्तुत गरिएको छ । भनिन्छ संगीत बिनाको जीवन कल्पना पनि गर्न सकिँदैन । नेपाली लोक विधामा अर्को नयाँ सिर्जना नजर पर्यो । लोक विधामा पनि विभिन्न खालका गीत हुने गर्छन् । लोक गायक रामचन्द्र चन्दका सिर्जनाहरु सुन्ने खालका गीत मात्र भेटिन्छन् । यस्ता सिर्जनाले बडो अर्थपूर्ण सन्देश प्रवाह गरिरहेका हुन्छन् । शब्दले बोलेका कथालाई दर्शकले आफूमा उतारेर सुन्ने र आफू भित्रको छटपटीलाई हल्का बनाउने खालका यस्ता सिर्जनाको यौटा बेग्लै किसिमको महत्व रहने गर्दछ । भिडियोको नाम खोली निउरोलाई केन्द्रमा राखेर त्यसैको सेरोफेरामा गीतलाई केन्द्रित गरिएको छ ।

युट्यूवमा यो गीत सार्वजनिक भएपछि गीत हेर्नेको संख्या बृद्धि भएको छ ।