© २०२३
९ मंसिर २०८१, आईतवार
९ मंसिर २०८१, आईतवार
सुर्खेत, २ असोज ।
दैलेखमा चट्याङ लागेर एक किशोरको ज्यान गएको छ । तीजको नाच हेरेर समूहमा फर्किदै गर्दा चट्याङ लागेर अन्य सात जना घाइते भएका छन् ।
महाबु गाउँपालिका–३ का १६ वर्षीय किशोर दाहालको सोमबार साँझ चट्याङ लागेर मृत्यु भएको जिल्ला प्रहरी कार्यालय दैलेखले जनाएको छ । जिल्ला प्रहरी कार्यालय दैलेखका प्रहरी निरीक्षक दीपक बिष्टका अनुसार सोमबार साँझ स्थानीय महादेव मन्दिरमा तीजको नाचगान हेरेर फर्किने क्रममा महाबुस्थानको एक्ले सल्लो भन्ने ठाउँमा चट्याङ लाग्दा किशोरको मृत्यु भएको हो ।
किशोरसँगै रहेका अन्य आठ जना चट्याङ लागेर घाइते भएका छन् । घाइते मध्ये ५५ वर्षीय लालबहादुर विष्टको अवस्था गम्भीर रहेको र उनलाई उपचारका लागि सुर्खेत ल्याइएको छ । चट्याङबाट गम्भीर घाइते भएका किशोरको उपचारका क्रममा दैलेख जिल्ला अस्पतालमा मृत्यु भएको हो । घाइते ७ जनाको पनि सोही अस्पतालमा उपचार भइरहेको प्रहरीले जनाएको छ । प्रहरीका अनुसार उनीहरु आठ जना समूहमा हिडिरहेको अवस्थामा चट्याङ लागेको हो । प्रहरीकाअनुसार गएको पाँचदिनको अवधिमा दैलेखमा दुई जनाको चट्याङ लागेर ज्यान गएको छ ।
© २०२३
सर्वाधिकार सुरक्षित
Design & Developed By:
