खोज

बुटवल, २९ भदौ ।

कालिका मानवज्ञान मावि सेक्टर २ बुटवल रुपन्देहीमा अध्ययनरत विद्यार्थीको बाल क्लबले बाल दिवसको अवसर पारी सोही विद्यालयको छात्रावासमा बसी अध्ययन गर्ने अनाथ विद्यार्थीहरुलाई सहयोग हस्तान्तरण गरेको छ ।

विद्यार्थीहरूको सक्रियतामा थोरै थोरै रकम जम्मा गरी जम्मा दश हजार तीन सय पञ्चानब्बे नगद र केही खाद्य सामग्री एक कार्यक्रमका बीच हस्तान्तरण गरिएको थियो । कार्यक्रममा विद्यालय व्यवस्थापन समितिका अध्यक्ष नित्यानन्द ज्ञवाली, प्रधानाध्यापक दिनेश थापा, सेक्टर २ इन्चार्ज कृष्ण गौतम, अतिरिक्त क्रियाकलाप संयोजक रिजन केसी, छात्रावास संयोजक रामबहादुर जिसी लगायतले विद्यार्थीले गरेको सहयोगको प्रशंसा गरे ।

बाल क्लबको अध्यक्ष छात्रा सम्पदा गौतमले क्लबकै आयोजनामा सेक्टर २ का विद्यार्थीहरूले जनचेतनामुलक ¥याली समेतनिकालेको जानकारी दिइन् । बाल दिवसको अवसरमा विद्यालयमा नियमित कार्यक्रम अन्तर्गत तीज गीत तथा नृत्य प्रतियोगिता पनि दुबै सेक्टरमा सम्पन्न भएका छन

।

कार्यक्रममा अध्यक्ष नित्यानन्द ज्ञवालीले विद्यार्थीले गरेको यस कार्यको प्रशंसा गर्दै धन्यवाद दिए । बाल क्लबको अध्यक्ष कक्षा दशमा अध्ययनरत छात्रा सम्पदा गौतमले अनाथ बालबालिकालाई सहयोग गर्न पाउँदा गर्व लागेको बताइन् । यसका साथै क्लबकै आयोजनामा सेक्टर २ का विद्यार्थीहरूले जनचेतनामुलक र्याली समेत सम्पन्न गरेको इन्चार्ज कृष्ण गौतमले बताए । विद्यालयमा नियमित कार्यक्रम अन्तर्गत तीज गीत तथा नृत्य प्रतियोगिता पनि दुबै सेक्टरमा सम्पन्न भएका छन् ।