© २०२३
२७ मंसिर २०८२, शनिबार
२७ मंसिर २०८२, शनिबार
नवलपुर, २९ भदौ ।
पूर्वी नवलपरासीको हुप्सेकोट गाउँपालिकामा विहीवार करेन्ट लागेर एक जनाको मृत्यु भएको छ । बिहीबार दिउँसो हुप्सेकोट गाउँपालिका ३ चौरंगी धर्मचोकमा रौतहट स्थायी घर भएका ६५ वर्षीय भिखुर मुखियाको करेन्ट लागेर मृत्यु भएको हुप्सेकोट प्रहरीले जनाएको छ । बेलहानीको धर्मचोकमा ५५ वर्षीया मिना फाल मगरको घरमा ब्लकको गाह्रो लगाउने क्रममा मुखियालाई करेन्ट लागेको प्रहरीको भनाई छ । मुखिया गाउँको ठेकेदार पनि थिए ।
काठका मिस्त्री जित बहादुर सार्कीले झ्याल ढोकाको काम गर्ने क्रममा कुखुराको खोरको जालीमा करेन्ट सप्लाई भई मुखियालाई करेन्ट लागेको प्रहरीले बताएको छ । अन्यलाई भने केही नभएको बताइएको छ । घटना बिहीबार दिउँसो १२ बजेको आसपासमा भएको र भिखुर मुखियालाई तत्काल मध्यविन्दु जिल्ला अस्पताल लगिएको तर अस्पतालले मृत घोषणा गरेको अस्पताललाई उद्धृत गर्दै हुप्सेकोट प्रहरीले जनाएको छ । रौतहटबाट मृतकका आफन्ती नआउन्जेल शवलाई मध्यविन्दु जिल्ला अस्पताल डण्डा राखिने प्रहरीले बताएको छ ।
© २०२३
सर्वाधिकार सुरक्षित
Design & Developed By:
