खोज

बुटवल, २८ भदौ। मानसिक स्वस्थ्यबारे सचेतना जगाउने उदेश्यका साथ पक्लिहवा माध्यमिक विद्यालयमा कार्यक्रम गरिएको छ । ‘मानसिक स्वास्थ्य, यसको महत्व र हेरचाह’ विषयमा बुधबार विद्यार्थीहरुलाई सचेतनामुलक कार्यक्रम गरिएको हो ।

एवलोन नेपाल र रोटरी क्लब अफ भैरहवाको सहकार्यमा गरिएको कार्यक्रममा एवलोन नेपालका संस्थापक अध्यक्ष रन्जु शर्मा तथा रोटरी क्लब अफ भैरहवाका अध्यक्ष उमेशचन्द्र आचार्यले सहजिकरण गरेका थिए ।

कार्यक्रममा पक्लिहवा कृषि क्याम्पसका सहायक क्याम्पस प्रमुख शैलेष गुरुङले मानसिक स्वास्थ्यका बारेमा विद्यार्थीहरुलाई समयमा नै बुझाउ सके जटिलता उत्पन्न हुनबाट रोक्न सकिने बताए । विद्यार्थीहरुलाई मानसिक अवस्था ताजा राख्न, पढाइमा केन्द्रिकृत हुने र कुलतबाट टाढा राखी व्यक्तित्व विकास र स्वस्थ समाजको निर्माणमा सहयोग पुर्याउने गरि कार्यक्रम गरिएको उनले बताए ।

कार्यक्रममा पक्लिहवा माध्यमिक विद्यालय व्यवस्थापन समितिका अध्यक्ष तथा युवा समाजसेवी सुशिल गुरुङ, पक्लिहवा माविका प्रधानाध्यापक बसन्त कुमार बस्नेत, शिक्षक देवी प्रसाद न्यौपाने, सिद्धार्थनगर नगरपालिका वडा नम्बर ६ का वडा सदस्य अनिल कुमार के.सी., विद्यालय व्यवस्थापन समितिका सल्लाहकार याम बहादुर थापा, सदस्य सलुजा विश्व सेन्चुरी, सदस्य सीतादेवी राजभर, समाजसेवी दीप गुरुङले अहिलेको समयमा मानसिक स्वस्थ्य महत्वपुर्ण विषय भएको भन्दै यस विषयमा घरघरमा सचेतना जगाउने गरि कार्यक्रमहरु चलाउन जरुरी रहेको बताए ।