खोज

बुटवल,२७ भदौ । संयुक्त ट्रेड युनियन समन्वय केन्द्र (जेटीयुसिसि)ले बुधबार बुटवलमा प्रदेश स्तरीय महिला सचेतना कार्यक्रम गरेको छ । महिला श्रमिकहरुको पेशागत अधिकार, लैङ्गिक समानता, श्रम ऐन, आई.एल.ओ. लगायतका विषयमा जानकारी गराउनको लागि महिला सचेतना कार्यक्रम गरेको हो ।
कार्यक्रममा बोल्दै नेपाल ट्रेड युनियन काँग्रेस लुम्बिनी प्रदेश अध्यक्ष काजिमान श्रेष्ठले श्रम ऐनको कार्यान्वयन, लैङ्गिक समानता तथा महिला श्रमिको पेशागत अधिकार सुनिश्चिता गराउनको लागि संयुक्त ट्रेड युनियन समन्वय केन्द्र मार्फत यो कार्यक्रम गरिएको र महिला ससक्तिकरणले महिला श्रमिकहरुको स्थापित अधिकार कार्यान्वयनमा सहयोग पुग्ने विश्वास व्यक्त गरे ।
संयुक्त ट्रेड युनियन समन्वय केन्द्र लुम्बिनीका संयोजक तथा जिफन्टका प्रदेश अध्यक्ष हुमाकान्त काफ्लेको अध्यक्षतामा भएको कार्यक्रममा नेपाल ट्रेड युनियन काँग्रेस महिला समिति अध्यक्ष प्रमिला ढुंगाना र समाजवादी ट्रेड युनियनकी महिला सदस्य सरीता पाण्डेले श्रमिक सचेतना, महिलाका पेशागत अधिकार, लैङिगक समानता, श्रम ऐन लगायतका विषयमा प्रशिक्षण दिए ।
मजदुरको पेशागत अधिकारका विषयमा संयुक्त रुपमा पहल तथा पैरवी गर्नको लागि नेपाल ट्रेड युनियन काँग्रेस, जिफन्ट लगायतका ट्रेड युनियन मिलेर संयुक्त ट्रेड युनियन समन्वय केन्द्र गठन गरी संयुक्त कार्यक्रम सञ्चालन गर्दै आएका छन् ।