खोज

बुटवल, २३ भदौ ।

रेडियो मुक्ति बुटवलको आयोजनामा भएको खुल्ला तीज गीत प्रतियोगितामा सैनामैनाको इङ्गुरिया दिदिबहिनी आयआर्जन महिला समूह प्रथम भएको छ ।

खानेपानी, सरसफाई र स्वच्छता, समावेशी सहभागिता सहितको लैङ्गिक समानता बिषयक आयोजना गरिएको प्रतियोगितामा रुपन्देही र पाल्पाका ७ टिमको सहभागिता रहेको थियो ।

७ टिम मध्ये इङ्गुरिया दिदिबहीनी आयआर्जन महिला समूह प्रथम भएको हो । प्रथम भएको महिला समूहले नगद २५ हजार प्राप्त गर्न सफल भयो । त्यस्तै ज्योति जागृति आमा समूह तिनपाले द्वितीय स्थान हासिल गर्दै रु २० हजार रुपैयाँ र प्रमाणपत्र, तृतीय हुन सफल प्रगतिशिल आमा समूह बुटवल बमघाटले रु १५ हजार रुपैयाँ र प्रमाणपत्र हात पारेको छ ।

प्रोत्साहन पुरस्कार सयपत्री आमा समूह तिनाउ गाउँपालिका पाल्पाले प्राप्त गरेको छ । सयपत्रीले रु १० हजार नगद र प्रमाणपत्र प्राप्त गरेको छ । सबै बिजेता समूहलाई र उपबिजेता समूहलाई रेडियो मुक्तिका अध्यक्ष दिपु पोखरेल र बुटवल उपमहानगरपालिकाकी उपप्रमुख सावित्रादेवी अर्यालले पुरस्कार र प्रदान गरेका थिए ।

प्रतियोगितामा गायक तथा सर्जक नारायण खनाल लेकाली, गायिका कल्पना कुसुम र यौनिक तथा लैंगिक अल्पसंख्यक समुदायबाट आनिक राना निर्णायक रहेका थिए ।

कार्यक्रममा कलाकारहरु नारायण लेकाली, कल्पना कसुम, प्रचण्ड जिसी, दुर्गा नेपाल र पत्रकार निरु गौतमले तिजका भाका गाएर मनोरञ्जन प्रदान गरेका थिए । त्यसअघि कार्यक्रमको बुटवल उपमहानगरपालिकाका उप प्रमुख सावित्रादेबि अर्यालले उदघाटन गरेकी थिईन् ।

महिला समानताका लागि संचार अभियानद्वारा संचालित रेडियो मुक्ति ९५.५ बुटवल वि.सं २०६५ सालमा महिलाहरुद्वारा संचालनमा आई निरन्तर सञ्चारको माध्यमबाट लैंिगक समानता, महिला सशक्तीकरण लगायतको क्षेत्रमा आवाज बिहिनको आवाज बुलन्द गर्दै आएको छ ।

रेडियो मुक्ति ९५.५ बुटवल हाल १ सय ५२ जना संस्थापक महिला सदस्यद्वारा संचालित रहेको छ । उक्त कार्यक्रममा रेडियो मुक्तीका स्टेशन म्यानेजर कल्पना तिवारी र समाचार प्रमुख अस्मिना पाण्डेले पनि बोलेका थिए ।