खोज

बुटवल, २३ भदौ । अर्घाखाँची जिल्लाको साविक धतिवाङ गाबिस (पाणिनी गाउँपालिका) बाट रुपन्देहीमा बसोबास गर्ने महिलाहरु बिच तीज मिलन कार्यक्रम गरिएको छ । सास्कृतिक पर्व हरितालिका तिजको अवसर पारेर धातिवाङ–रुपन्देही संपर्क समाजले बुटवलमा तीज मिलन कार्यक्रम गरेको हो ।

आपसी भाईचारा र सद्भाव अभिबृद्धि गर्ने उद्देश्यले गठित धातिवाङ–रुपन्देही संपर्क समाज स्थापना गरि सामाजिक कार्यहरुमा अग्रसर हुदै आएको संस्थाका कार्यबाहक अध्यक्ष नमराज पौडेलले बताए । अर्घाखाँचीको कला संस्कृतिको संरक्षण, आपसी सद्भावलाई रुपन्देही र धतिवाङ बिच जोड्ने पुलको काम गर्दै आएको उनले बताए ।

कार्यक्रमको उद्घाटन गर्दै धतिवाङ वार्ड —६ का वडा अध्यक्ष कृष्ण पौडेलले बसाईसराईसंग आत्मियता घट्दा चिनजान हराउने शहरी जिवनलाई नया ढंगबाट समाज जोड्न सफल भएको बताए । संस्थाका संस्थापक अध्यक्ष थानेश्वर पौडेलले माईका थान मन्दिर परिसरमा तीज गित गाउने र नाँच्ने प्रतिस्पर्धाको स्मरण गर्दै धातिवाङको कला संस्कृति संरक्षणसंगै भेटघाट तथा सद्भाव अभिबृद्धिका लागि पनि तीज मिलन कार्यक्रम गरिएको बताए ।

कार्यक्रममा पाणिनी वार्ड ६ बाट निर्वाचित जनप्रतिनिधिहरुलाई स्वागत तथा सम्मान गरिएको थियो । कार्यक्रमको सास्कृतिक संयोजक गौरी पौडेल, सहसचिव हरि प्रसाद घिमिरेले समुदायमा सामाजिक संघसंस्थाहरुको योगदानको बारेमा प्रकाश पारेका थिए ।