© २०२३
९ मंसिर २०८१, आईतवार
९ मंसिर २०८१, आईतवार
सल्यान, १७ भदौ ।
गुडिरहेको बस अनियन्त्रित भई सडकमै पल्टिदा सल्यानमा ६ जना यात्रु घाइते भएका छन् । आइतबार विहान साढे १० बजेतिरको समयमा जिल्लाको बागचौर नगरपालिका १२ बाफुखोलाबाट दाङको तुलसीपुरतर्फ जाँदै गरेको रा १ ख २५४१ नम्बरको बस बागचौर नगरपालिका ७ कोटबारा चौफारी नजिक दुर्घटना भएको हो ।
दुर्घटनामा परी बागचौर नगरपालिका ६ चिसापानीकी २५ वर्षीया रन्जना शाह, सोही वडा चौलाबोटका ६० वर्षीय गम बहादुर ओली, मालजुंगाका बस्ने २७ वर्षीया लिला खत्री ओली, कोटबारा बस्ने ६५ वर्षीया तिलसरा विक. र बागचौर नगरपालिका ११ रातामाटाका ६३ वर्षीय विक्रम ओली घाइते भएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिए ।
घाइते मध्ये पाँच महिनाकी गर्भवती रन्जनाको अवस्था गम्भीर रहेको र अन्य सामान्य रहेको प्रहरीले जानकारी दिएको छ । घाइते सबैको बागचौरमा नै उपचार भइरहेको छ । बसमा २६ जना यात्रु सवार रहेको अनुमान गरिएको छ । चालकलाई नियन्त्रणमा लिएर थप अनुसन्धानलाई अघि बढाएको प्रहरीले जनाएको छ । बस दुर्घटना हुनुको कारण खुल्न नसकेको र अनुसन्धान कार्य भइरहेको प्रहरीको भनाई छ ।
© २०२३
सर्वाधिकार सुरक्षित
Design & Developed By:
