खोज

बुटवल,३ भदौ । प्रधानमन्त्री पुष्पकमल दाहाल प्रचण्डले बोलाएको बैठक बिना निष्कर्ष टुंगिएको छ ।
संसदको गतिरोध अन्त्य गर्ने विषयमा छलफल गर्न प्रधानमन्त्री प्रचण्डले संसदमा भएका प्रमुख दलहरुको बैठक बोलाएका थिए । सिंहदरबारमा भएको छलफलमा प्रमुख प्रतिपक्षी नेकपा एमालेले सुन तस्करीको छानबिनका लागि उच्चस्तरीय आयोग गठन गर्नैपर्ने अडान लिएको छ ।
उपप्रधान तथा गृहमन्त्री नारायणकाजी श्रेष्ठले आयोग वा समिति बन्दा नेपाल प्रहरीको केन्द्रीय अनुसन्धान ब्यूरो सीआईबीले गरिरहेको अनुसन्धान प्रभावित हुनसक्ने चिन्ता व्यक्त गरेका छन् ।
सीआईबीले पाएको समय अब दुई साता मात्र छ । त्यसैले त्यो बेलासम्म हेर्ने कि भन्ने पनि छलफल भएको राष्ट्रिय स्वतन्त्र पार्टी रास्वपाका अध्यक्ष रवि लामिछानेले जानकारी दिए ।

सुन तस्करी प्रकरणमा माओवादी नेताहरुको नाम जोडिएपछि र ललिता निवास जग्गा प्रकरणमा पुर्व प्रधानमन्त्री माधव नेपाल र बाबुराम भट्टराईमाथि अन्ुसन्धान गर्न सर्वोच्चले आदेश दिएपनि अनुसन्धान नहुंदा प्रमुख प्रतिपक्षी दल एमालेले उच्चस्तरीय छानवीन समितिको मागको औचित्य पुष्टी भइसकेको बताउंदै आएको छ । नेपाली कांग्रेसकै कतिपय सांसदहरुले समेत उच्चस्तरीय छानवीन समितिको माग जायज भएको बताउंदै आएका छन् ।