खोज

बुटवल, २७ साउन। साईलेन्ट किलरको उपनाममा विश्वभरमा धेरैको ज्यान लिने मृगौला रोगबारे मानिसलाई बुझाउन जरुरी रहेको विज्ञहरुले बताएका छन । एकै पटक दुबै मृगौला खराब नभई पहिले लक्षणहरु देखाउने भन्दै समयमा जाच गर्नसके निदान सम्भव रहेको उनिहरुले दाबी गरे ।

स्वस्थ्य जनता समृद्धिको आधार नारासहित स्वस्थ्य तथा जनसंख्या विभाग, नेकपा एमाले जिल्ला कमिटिको आयोजनामा स्वस्थ्यसंग सम्बन्धि विभिन्न विभागमा कार्यरत पार्टी पदाधिकारी र सदस्यहरुलाई एक दिने स्वस्थ्य विषयक गोष्ठी तथा (मृगौला रोग सम्बन्धि) सिएमई कार्यक्रममा वरिष्ठ मृगौला रोग विशेषज्ञ डा शक्ति बस्नेतले ब्यक्तिले आफ्नो स्वस्थ्य सचेतनामा ध्यान दिनुपर्ने बताए । ‘दैनिक २ सय लिटर ब्लड छान्ने मृगौलालाई हाम्रो ध्यान गएको छैन ।’— उनले भने । नेपालको कुल ३ करोड जनसंख्यामा ३० लाख मानिसको मृगौला समस्या रहेको चिकित्सकहरुको तथ्याकमा देखिएको उनले दाबी गरे । विश्वब्यापी रुपमा हेर्दा औषत १० प्रतिशतमा मृगौला खराब देखिएको उनले बताए । मृगौला फेल हुनुको मुख्य कारणमा मधुमेह र उच्च रक्तचाप हुने देखिएको भन्दै खानपान रहनसहनमा ध्यान दिनुपर्ने बताए । यसैगरि मृगौला खराबसंगै नसा, मुटु र टाउकोका रोगहरु ल्याउने भन्दै उनले यसबारे सचेत हुन सुझाव दिए । अहिले २० जना बिरामीमध्ये ५ जनामा पथ्थरीको समस्या हुने गरेको उनले बताए । ‘जन्मदिनमा केक हैन मृगौला जाँच गरौ ।’—उनले भने । वर्षमा एकपटक जन्मदिनमा सुगर, युरिया, क्रेटिनन, युरिन एल्भोविनको जाच गरे ८० प्रतिशत मृगौलाको अवस्था थाहा लाग्ने भन्दै यसबाट सचेत बन्न सकिने उनको सुझाव छ । मृगौला रोग र उपचारको सम्बन्धि बिरामीको एकिन तथ्याक नभएपनि रुपन्देहीमा ४ सय बढि र देशभरमा ३ हजार जति डायलोसिस गरिरेहका छन ।

नियमित स्वस्थ शिक्षा अन्तरगत अन्तरगत गरिएको कार्यक्रममा डा सागर न्यौपानेले मानव स्वस्थ्य सम्बन्धी कार्यपत्र प्रस्तुत गरे ।
कार्यक्रममा लुम्बिनी प्रदेशका पुर्व मुख्यमन्त्री तथा नेकपा एमाले पोलिटब्युरो सदस्य लिला गिरीले उद्घाटन गर्दै शिक्षा, स्वस्थ्यको मौलिक अधिकारमा पर्ने भन्दै सरकार यो विषयमा गम्भिर भएर लाग्नुपर्ने बताए । राजनीतिक पार्टीहरु संगठन निमार्ण गर्नेमात्र नभई सामाजिक विषयबस्तुमा समेत अग्रसर हुन जरुरी रहेको उनले बताए ।

कार्यक्रममा नेकपा एमाले पोलिटब्युरो सदस्य दधिराम न्यौपाने, केन्द्रीय अनुसासन आयोगका उपाध्यक्ष नेत्र पन्थी, के स शिवराज सुवेदी, जिल्ला अध्यक्ष तेजेन्द्र केसीले गम्भिर विषयको उठान गरि समाधानको उपायसमेत पेश भएको बताए ।

कार्यक्रममा स्वस्थ्य तथा जनसंख्या विभाग, नेकपा एमाले जिल्ला कमिटिका प्रमुख सुनिल श्रेष्ठले धेरै अध्ययन र छलफलबाट कार्यक्रम तय गरिएको भन्दै आम नागरिकको जिवनमा छुने गरि स्वस्थ्यसंग जोडेर कार्यक्रम गर्ने बताए ।

स्वस्थ्यसंग सम्बन्धि विभिन्न विभागमा कार्यरत पार्टी पदाधिकारी र सदस्य १ सय ७९ जना सहभागी रहेको सचिव केदार नेपालले बताए ।
कार्यक्रममा स्वस्थ्य क्षेत्रमा योगदान दिएका नेपाल फार्मेसी संघको केन्द्रीय अध्यक्ष किरण ढकाल र नेपाल औषधी ब्यवसायी संघ रुपन्देही जिल्ला शाखाका उप–कोषाध्यक्ष केदार नेपाललाई सम्मानपत्र र खादाबाट सम्मान गरिएको थियो ।

भिडियो सामग्री